ខេត្តព្រៃវែង ៖ អ្នកបើកម៉ូតូម្នាក់បានស្លាប់នៅកន្លែងកើតហេតុ ដោយសាររថយន្តឡិចស៊ីស៤៧០ បុកម៉ូតូ នៅ ថ្ងៃទី ២៩ ខែមេសា ឆ្នាំ២០១៨ លើផ្លូវជាតិលេខ៨ ចន្លោះគីឡូម៉ែត្រ ៥២ – ៥៣ ស្ថិតក្នុងភូមិវៃវេទ ឃុំរាប ស្រុកពារាំង ខេត្តព្រៃវែង ។
សាក្សីឃើញហេតុការប្រាប់ថា គេឃើញម៉ូតូ មួយគ្រឿងរបស់ជនរងគ្រោះ ម៉ាក C125 ពណ៌ ខ្មៅ ពាក់ស្លាកលេខ ភ្នំពេញ 1CP 9456 បើកបរដោយជនរងគ្រោះតែម្តង ឈ្មោះ គង់ គុណ ភេទប្រុស អាយុ ៣៨ឆ្នាំ នៅភូមិ ព្រៃអំពៅ ឃុំព្រៃទទឹង ស្រុកមេសាង ខេត្តព្រៃវែង ធ្វើដំណើពីលិចមកកើត ដល់ចំណុចកើតហេតុ ម៉ូតូបានប្តូរគន្លងផ្លូវ ក៏ជ្រុលចង្កូតទៅបុកជាមួយរថយន្មួយគ្រឿង ម៉ាកលិចស៊ីស៤៧០ ពណ៌ខ្មៅ ពាក់ស្លាកលេខ ភ្នំពេញ2F 9191 អ្នកបើកបរមិនស្គាល់អត្តសញ្ញាណ ព្រោះរត់បាត់ ដែលកំពុងធ្វើដំណើរបញ្ច្រាស់ទិសគ្នា បណ្តាលឲ្យអ្នកបើកបរម៉ូតូ ស្លាប់នៅកន្លែងកើតហេតុ ។
ក្រោយពេលកើតហេតុនគរបាលមូកដ្ឋានបានចុះអន្តរគមន៍វាស់ វែងនិងប្រមូលវត្ថុតាងយកមករក្សាទុកនៅអធិការដ្ឋាននគរបាលបស្រុកពារាំង ដើម្បីបំពេញសំណុំរឿងតាមនីតិវិធី ៕ ដោយ៖បញ្ញាស័ក្តិ
