ភ្នំពេញ ៖ តារាសម្តែង និងជាអ្នកដឹកនាំរឿងវ័យក្មេងនាង ជា ស្រីរ័ត្ន មួយររយៈចុងក្រោយនេះនាងត្រូវបានគេដឹងថា បានបញ្ចេញស្នាដៃដឹកនាំរឿងថ្មីៗ ជាបន្តបន្ទាប់ ដែលរឿងទាំងអស់នោះ ក៏ទទយលបានការគាំទ្រពីអ្មកទស្សនាផងដែរ។
ស្នាដៃដឹកនាំរឿងរបស់នាង គឺជាប្រភេទភាពយន្តបុរាណ ដែលដកស្រង់ចេញពីរឿង ព្រេងបុរាណខ្មែរ និងបានចាក់ផ្សាយតាមររយៈស្ថានីយ៍ទូរទស្សន៍CTN ជាបន្តបន្ទាប់។
ត្បិតកំពុងជោគជ័យនៅលើវិថីនៃការដឹកនាំរឿងក៏ពិតមែន ប៉ុន្តែងាកមកមើលជីវិតស្នេហារបស់តារាស្រីរូបនេះ គឺនៅបន្តភាពស្ងាត់ជ្រងំ បើទោះបីជានាងបានភ្ជាប់ពាក្យ ជាមួយនឹងតារាប្រុសម្នាក់មកជាយូរហើយក្តី។
កន្លងគេនៅចាំថា ជា ស្រីរ័ត្ន ធ្លាប់បានលើកឡើងប្រាប់បណ្តាញសារព័ត៌មានក្នុងស្រុកថា នាង បានសម្រេចផ្អឹបរឿងរៀបការមួយរយៈ ដើម្បីក្តោបក្តាប់ទីផ្សារការងារសិល្បៈឲ្យបានពេញដៃ ក្នុងពេលដែលនាងបាននិងកំពុងដឹកនាំភាពយន្តថ្មីៗបន្ថែម។
តារាសម្តែងដែលបានផ្តើមចេញពីការប្រឡងកម្មវិធី Freshie រដូវកាលទី១១ ជាប់ក្នុងចំណោម១០នាក់រូបនេះបញ្ជាក់ថា ដោយសារការងារសិល្បៈធ្លាក់មកជាបន្តបន្ទាប់ និងបញ្ហាមួយចំនួនទៀតនោះ ទើប ជា ស្រី រ័ត្ន បានសម្រេចផ្អាកគិតពីការរៀបចំមង្គលការមួយរយៈសិន ។
នាងបញ្ជាក់ថា នាងបានសម្រេចភ្ជាប់ពាក្យ ជាមួយតារាសម្តែងប្រុសមួយរូប ក្រោយពីបានស្គាល់គ្នាអស់រយៈពេលប្រមាណជា៥ឆ្នាំមកនេះ ហើយរឿងរ៉ាវស្នេហាក្រៅឆាករបស់នាងនាពេលនេះ ក៏មានការលាក់លៀមដែរ ពោលគឺមានការដឹងលឺច្រើននៅក្នុងសង្គមសិល្បៈ និងមានការចុះផ្សាយតាមបណ្តាញសារព័ត៌មានជាបន្តបន្ទាប់ផងដែរ។
ទោះជាយ៉ាងណា បើតាម ជា ស្រីរ័ត្ន ថា មង្គលការនាងកើតឡើងនាពេលណានោះ នាងនៅមិនទាន់អាចកំណត់បាននៅឡើយទេ ដោយសារក្នុងរយៈពេលនេះនាងគិតរឿងការងារសិល្បៈជាមុនសិន ក្នុងពេលដែលនាងក៏ចង់សម្រេចគោលបំណង នៅក្នុងការបើកមុខរបររកស៊ីផ្ទាល់ខ្លួនមួយផងដែរ។
ជា ស្រីរ័ត្ន បានឲ្យដឹងទៀតថា នាងបានចូលប្រឡូកសិល្បៈតាំងពីឆ្នាំ២០១៦ ហើហើយតាំងពីចូលសិល្បៈដំបូង មកទល់ពេលនេះ គឺនាងថតបានប្រហែលជិត១០រឿងរួចហើយ មានរឿង «ចៅប្រសារក្លែងក្លាយ» រឿង »ចៅធុងចៅសាញ់~ រឿង «អាទិត្យវង្សា ស៊ីសូរិយាវង្ស» រឿង «ទាយាទអសុរ:» និងរឿង «បុប្ផាស្រុកស្រែ»។ល។
តារាសម្តែងដែលមានវ័យ២៦ឆ្នាំនាង ជា ស្រីរ័ត្ត បានកសាងទំនាក់ទំនង ក្រៅឆាកអស់ជាច្រើនឆ្នាំ ជាមួយតារាសម្តែងលោកស្រេន វុធថា ហើយនាក់ទាំងពីរបានសម្រេចភ្ជាប់ពាក្យ ជាមួយគ្នាយ៉ាងមហោឡាឱកកាលពីថ្ងៃទី២ ខែកុម្ភៈ ឆ្នាំ២០២០ កន្លងទៅ៕ រក្សាសិទ្ធិដោយ ៖ សំណាង SV
