ពិតណាស់ ប្រិយមិត្តជាច្រើនបានទទួលជ្រាបរួចហើយ ដែលកាលពីពេលកន្លងទៅនេះ សុខៗស្រាប់អ្នកនាងដេននីក្វាន់ បានប្រកាសតាមហ្វេសប៊ុករកមុខអតីតគូស្នេហ៍លោក ចាន់ មករា ឲ្យចូលខ្លួនដោះស្រាយរឿងបោកប្រាស់លុយនាង និងក្រុមគ្រួសាររបស់នាងខ្ទង់ជាង១០ម៉ឺនដុល្លារ បង្កឲ្យមានការភ្ញាក់ផ្អើលយ៉ាងខ្លាំងតែម្តង ដល់មជ្ឈដ្ឋានមហាជនជាអ្នកប្រើប្រាស់បណ្តាញសង្គម ដែលគ្រប់គ្នាស្ទើរតែមិនគួរឲ្យជឿ។
តែទោះជាយ៉ាងណា រហូតមកទល់ពេលនេះ លោក ចាន់ មករា ដែលមានឈ្មោះជាជនបោកប្រាស់ ពុំទាន់ចូលខ្លួនមកដោះស្រាយទេ តែបែរជាព្យាយាមបន្តរត់គេចខ្លួនយ៉ាងរំភើយ។
តែដោយឡែក ថ្មីៗនេះ មហាជនផ្ទុះការភ្ញាក់ផ្អើលទៀតហើយ ខណៈដែលយប់ម្សិលមិញនេះ (ថ្ងៃទី១០ ខែកុម្ភៈ ឆ្នាំ២០២២) អ្នកនាង ដេននីក្វាន់ បានទម្លាយឲ្យមហាជនបានដឹងឡើងញ័រសាច់ ដោយបានប្រាប់ថា លោក ចាន់ មករា ពុំត្រឹមបោកប្រាស់លុយក្រុមគ្រួសារនាងទេ តែថែមទាំងលួចយកឯកសារក្រុមហ៊ុនរបស់នាងទៅជាមួយទៀត។
ក្នុងនោះ អ្នកនាង ដេន នីក្វាន់ បានឲ្យដឹងយ៉ាងដូច្នេះថា៖ «លោក ចាន់មករា (Chann Makara) សូមយកឯកសារក្រុមហ៊ុនរបស់ខ្ញុំមកអោយខ្ញុំវិញ អ្នកឯងធ្វើរឿង . ថោ . កទា បច្រើនណាស់មកលើគ្រួសារខ្ញុំ បោ ក លុយមិនអស់ចិត្ត នៅលួ ច យកឯកសារក្រុមហ៊ុនរបស់ខ្ញុំរត់ទៅជាមួយទៀត ពេលខលមកខ្ញុំ សុទ្ធតែថាចាំថ្ងៃចន្ទ័ផ្ញើរមកអោយខ្ញុំ អីលូវចន្ទ័៤ដងហើយ មនុស្សអីកំពូល ថោ ក តែខ្ញុំចេញមុខប្តឹ ងលោ កឯង កុំសង្ឃឹមគេចរួចអោយសោះ ទៅពួនដល់រន្ធក្តាមក៏រកទាល់តែឃើញដែរ»៕ រក្សាសិទ្ធិដោយ៖ លឹម ហុង
