កំពង់ស្ពឺ ៖ កម្លាំងមន្ត្រីនគរបាលស្រុកសំរោងទង កាលពីថ្ងៃទី១ ខែមីនា ឆ្នាំ២០២២នេះ បានចុះបង្រ្កាប និងឃាត់ខ្លួនជនសង្ស័យម្នាក់ ដែលមុខសញ្ញាចែកចាយគ្រឿងញៀន ប្រព្រឹត្តនៅចំណុចភូមិបាក់ចិញ្ជៀន ឃុំត្រពាំងគង ស្រុកសំរោងទង ខេត្តកំពង់ស្ពឺ ។
មន្ត្រីនគរបាលស្រុកសំរោងទង បានឲ្យដឹងថា ជនសង្ស័យមានឈ្មោះ ទូច វិឆៃ ភេទប្រុស អាយុ២៥ឆ្នាំ នៅភូមិចាក់កាំបិត ឃុំវល្លិស ស្រុកសំរោងទង ខេត្តកំពង់ស្ពឺ ។ ចំណែកវត្ថុតាងដែលសមត្ថកិច្ចដកហូតបាន រួមមាន៖ គ្រឿងញៀនប្រភេទម៉ាទឹកកក ២៣ កញ្ចប់តូច និង ទូរស័ព្ទ ១គ្រឿង ។
បច្ចុប្បន្ននេះ ជនសង្ស័យ ត្រូវបានសមត្តកិច្ចនគរបាលស្រុកសំរោងទង កំពុងតែរៀបចំបែបបទ និង កសាងសំណុំរឿង បញ្ជូនទៅកាន់តុលាការខេត្ត ដើម្បីចាត់ការតាមនីតិវិធី ៕ រក្សាសិទ្ធិដោយ ៖ ចន្ទា ភា
