Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ប្រជាពលរដ្ឋ ប្រើប្រាស់​បង្គន់​អនាម័យ ក្នុង​ព្រះរាជ​ពិធីបុណ្យ​អុំទូក ដោយ​ឥតគិតថ្លៃ​

spot_img

ភ្នំពេញ​៖ បង្គន់​អនាម័យ ចំនួន​២​កន្លែង ដែល​ស្ថាបនា​ឡើងជា​លក្ខណៈ​ស្តង់ដារ​គុណភាព​ខ្ពស់ ស្ថិតនៅក្នុង​បរិវេណ​ព្រះមេរុ ត្រូវបាន​ប្រគល់​ដល់​សាលា​រាជធានី​ភ្នំពេញ ដើម្បី​បើក​ឲ្យ​ប្រជាពលរដ្ឋ បាន​ប្រើប្រាស់ ក្នុង​ព្រះរាជ​ពិធីបុណ្យ​អុំទូក ដោយ​ឥតគិតថ្លៃ​។​​នៅ​ព្រឹក​ថ្ងៃទី​១ វិច្ឆិកា​ឆ្នាំ​២០១៧​នេះ សម្តេចចៅហ្វា​វាំង​វរ​វាំង​ជ័យ​ធិបតី​ស្រឹង្គា គង់ សំអុល ឧបនាយករដ្ឋមន្ត្រី និង​ជា​រដ្ឋមន្ត្រីក្រសួង​ព្រះបរមរាជវាំង បានប្រគល់​បង្គន់​អនាម័យ​នេះ​ជូន​ដល់​លោក​ឃួ​ង ស្រេង អភិបាល​រាជធានី​ភ្នំពេញ​។​


បង្គន់​អនាម័យ​ទំនើប​ទាំង​២​កន្លែង​នេះ គឺជា​ផ្នែក​មួយ ដើម្បី​ជួយ​សម្រួល​ដល់​ប្រជាពលរដ្ឋ បន្ទោបង់​បាន​ត្រឹមត្រូវ មិន​បាត់បង់​សណ្តាប់ធ្នាប់ និង​មិន​ប៉ះពាល់​ដល់​បរិស្ថាន​។ មន្ត្រី​សាលា​រាជធានី​ភ្នំពេញ​ឲ្យ​ដឹងថា ក្នុង​ព្រះរាជ​ពិធីបុណ្យ​អុំទូក​នេះ អាជ្ញាធរ​បាន​ត្រៀម​បង្គន់​អនាម័យ​ចល័ត និង​បង្គន់​អនាម័យ​សាធារណៈ​ជាង​៤០​កន្លែង សរុប​៤៧៥​បង្គន់ ហើយ​ការប្រើប្រាស់ មិន​យក​កម្រៃ​សេវា​ឡើយ​។ បង្គន់​អនាម័យ​ទាំង​២​ទីតាំង​នេះ ចែកចេញជា​១៤​បន្ទប់ ស្រី​៦​បន្ទប់ ប្រុស​៦​បន្ទប់ និង​សម្រាប់​ជនពិការ​ចំនួន​២​បន្ទប់ បំរើ​ឲ្យ​ការប្រើប្រាស់​ជា​សាធារណៈ ដោយ​មិន​យកប្រាក់​។​

​លោក ឃួ​ង ស្រេង អភិបាល​រាជធានី​ភ្នំពេញ ដែល​ទទួល​បង្គន់​អនាម័យ​ទាំង​២​កន្លែង​នេះ​ពី​សម្តេចចៅហ្វា​វាំង​វរ​វាំង​ជ័យ​ធិបតី​ស្រឹង្គា គង់ សំអុល បាន​ថ្លែង​អំ​គុណ​យ៉ាង​ជ្រាលជ្រៅ ចំពោះ​ក្រសួងព្រះបរមរាជវាំង ពិសេស​សម្តេច គង់ សំអុល ដែល​បាន​យកចិត្តទុកដាក់ គិតគូរ​សុខទុក្ខ​រប​ស់​ប្រជាពលរដ្ឋ មក​កម្សាន្ត​ក្នុងឱកាស​ព្រះរាជ​ធិ​ធី​បុណ្យអុំទូក​នេះ មាន​កន្លែង​បន្ទោបង់​ត្រឹមត្រូវ​ផង និង​ចូលរួម​ថែរក្សា​អនាម័យ និង​បរិស្ថាន​ទីក្រុង​ភ្នំពេញ​ថែមទៀត​។​

​ក្នុងឱកាស​នោះ លោក​អភិបាល​រាជធានី បាន​អំពាវនាវ​ដល់​បងប្អូន ប្រជាពលរដ្ឋ​អ្នកប្រើប្រាស់ ត្រូវ​ចូលរួម​ថែរក្សា និង​សំអាត​បន្ទប់ទឹក​នេះ ឲ្យ​បាន​ស្អាត​ជានិច្ច​។ ជាមួយគ្នា​នោះ លោក​អភិបាល ក៏បាន​អំពាវនាវ​ដល់​បងប្អូន​អ្នកលក់ដូរ​ទាំងឡាយ ត្រូវអនុវត្ត​តាម​ការ​ណែនាំ របស់​អាជ្ញា​ធរមាន​ស​ម​ត្ថ​កិច្ច ធ្វើយ៉ាងណា​រក្សាបាន​នូវ​សណ្តាប់ធ្នាប់ របៀបរៀបរយ​សាធារណៈ រក្សា​បរិស្ថាន អនាម័យ​ឲ្យ​បានល្អ​។ ក្រោយពេល​លក់ដូរ ត្រូវ​សំអាត​ទីតាំង​លក់ដូរ​របស់ខ្លួន ឲ្យ​បាន​ស្អាត​ជានិច្ច ប្រកបដោយ​ស្មារតី​ទទួលខុសត្រូវ​៕ ដោយ​៖​កូ​ឡាប​

spot_img
×