Mao Xinyu ដែលត្រូវជាចៅប្រុសតែមួយគត់របស់លោកម៉ៅ សេទុង បានបង្ហាញវត្តមានក្រោយមានពាក្យចរចាមអារាមថា លោកគឺជាមនុស្សម្នាក់ក្នុងចំណោមមនុស្ស ៣២នាក់ ដែលបានស្លាប់ក្នុងករណីគ្រោះថ្នាក់រថយន្តនៅកូរ៉េខាងកាលពីខែមុន។
Mao xinyu (ឆ្វេងបង្អស់)
កាសែតមួយនៅហុងកុងកាលពីថ្ងៃទី ៦ ខែឧសភាម្សិលមិញនេះ បានចុះផ្សាយរូបភាពលោក Mao xinyu ចៅប្រុសតែមួយគត់របស់លោកម៉ៅ សេទុង បានទៅទស្សនកិច្ចនៅសម្ព័ន្ធក្រុម ហ៊ុនតម្លើងនាវារបស់ចិនកាលពីថ្ងៃទី ៤ ខែមិថុនា ។
Yonhap ឲ្យដឹងថា រដ្ឋាភិបាលចិនបានបង្ហាញអត្តសញ្ញាណពលរដ្ឋខ្លួនដែលបានស្លាប់ចំនួន ២៦នាក់ ចំណែក ៦នាក់ទៀត ពុំត្រូវបានគេទម្លាយចេញឡើយ ។ ព្រោះមូលហេតុនេះឯង តាមកាសែត Korea Times និងស្ថានីយ៍វិទ្យុបារាំងដែលដកស្រង់ប្រភពមួយពីចិននៅថ្ងៃទី ៣០ ខែមេសា ឲ្យដឹងថា Mao xinyu អាចជាមនុស្សម្នាក់ក្នុងចំណោមអ្នកស្លាប់៦នាក់ទៀត ពុំត្រូវបានគេបញ្ចេញឈ្មោះនោះ ។
គួររំលឹកថា Mao xinyu អាយុ ៣៨ឆ្នាំ គឺជាកូនប្រុសរបស់ Mao Anqing កូនប្រុសទី២ របស់លោកម៉ៅ សេទុង ហើយបច្ចុប្បន្នគឺជាឧត្តមសេនីយ៍ត្រីនៃកងកម្លាំងជើងគោក ។ Mao xinyu គឺជាឧត្តមសេនីយ៍ថ្មីបំផុតដែលត្រូវបានតែងតាំងនោះ លោកមានអាយុត្រឹម ៣៩ឆ្នាំ ៕
