ករណីបើកបរបញ្ច្រាស់ទិស ព្យាយាមប្រជ្រៀតរុលទៅមុខដ៏គ្មានសណ្តាប់ធ្នាប់ ដោយគ្មានស្គាល់គន្លងអាទិភាពរបស់ខ្លួន ជាពិសេសនៅអំឡុងពេលកកស្ទះចរាចរណ៍ ព្រោះដើម្បីតែខ្លួនឯងរួចផុតពីការកកស្ទះ ដោយគ្មានខ្វល់ពីអារម្មណ៍អ្នកបើកបរស្របទិសត្រឹមត្រូវ គឺជាទម្លាប់ដ៏អាក្រក់មិនអាចកែបានសម្រាប់អ្នកបើកបរមួយចំនួន ដែលតែងតែកើតមានឡើងបង្កឲ្យមតិមហាជនរិះគន់ជារឿយៗ។
ជាក់ស្តែង ដូចករណីនេះ បានធ្វើឲ្យអ្នកលេងបណ្តាញសង្គម ពិតមានការហួសចិត្តយ៉ាងខ្លាំងតែម្តង នៅពេលដែលបានឃើញរថយន្តថ្លៃៗជាច្រើនគ្រឿង បានបើកបរដោយគ្មានស្គាល់គន្លងរបស់ខ្លួនសោះឡើយ ពោលគឺបានពាំងផ្លូវមិនឲ្យរថយន្តបើកស្របទិស អាចបើករួចនោះទេ។ ប៉ុន្តែ អ្វីដែលធ្វើឲ្យមហាជន គួរឲ្យក្តៅក្រហាយជំនួសជាខ្លាំងនោះ គឺក្នុងចំណោមរថយន្តបើកបរដ៏គ្មានសណ្តាប់ធ្នាប់ទាំងនោះ គឺមានរថយន្ត Hilander ១គ្រឿង ពាក់ស្លាកលេខ ភ្នំពេញ 2AY-7801 បើកបរដោយបុរសវ័យចំណាស់ម្នាក់ ដែលខ្លួនបើកបរខុសហើយ តែនៅមានមុខបញ្ចេញទង្វើថតវីដេអូ និងបោះពាក្យសម្តីខ្លាំងដាក់គេថែមទៀត។
ក្រោយពីបានឃើញបែបនេះ មហាជនៅលើបណ្តាញសង្គម បានដាក់ឲ្យធ្ងន់ៗថា៖ «ចាស់ចំណាស់យាយ តាគេហើយ នៅភ្លើមិនយល់គន្លងគេ ហើយថែមទាំងបោះសម្តីឡប់ៗទៀត, មានឡានថ្លៃបើក តែគាត់អត់បានទៅរៀនច្បាប់ចរាចរណ៍ បើកតាមតែប្រសៃប្រសាទនឹកឃើញ, មើលទៅសុទ្ធតែឡានថ្លៃ តែអ្នកបើកសុទ្ធតែថោកៗ, ឆ្កែចេះបើកឡានហើយ ចេះកាន់ទូរស័ព្ទថតទៀត, ល្បីហើយពូ ផ្កាយ….»៕ រក្សាសិទ្ធិដោយ៖ លឹម ហុង
