បន្ទាយមានជ័យ ៖ បុរសម្នាក់បានបាត់បង់ជីវិត បន្ទាប់ពីស្រវឹងស្រាបង្កអំពើហិង្សាក្នុងគ្រួសារ យកផ្លែដូងគ.ប់ប្រពន្ធ ហើយត្រូវប្រពន្ធយកដំបូងឫស្សីវា.យ ។ ករណីនេះបានកើតនៅវេលាម៉ោង១០និង៤៩នាទីយប់ ថ្ងៃទី២៨ ខែមីនា ឆ្នាំ២០២២ នៅភូមិគោកពន្លៃ ឃុំចំណោម ស្រុកមង្គលបូរី ខេត្តបន្ទាយមានជ័យ ។
លោកវរសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរី បានឲ្យដឹងថា បុរសជាប្តីឈ្មោះ ឆែម ថងយូ អាយុ៤១ឆ្នាំ រស់នៅភូមិគោកពន្លៃ ឃុំចំណោម ស្រុកមង្គលបូរី ខេត្តបន្ទាយមានជ័យ និងប្រពន្ធ ឈ្មោះ ជា រេត អាយុ៤១ឆ្នាំ គ្រួសារនេះរស់នៅភូមិគោកពន្លៃ ឃុំចំណោម ស្រុកមង្គលបូរី ខេត្តបន្ទាយមានជ័យ ។
លោកអធិការបានបញ្ជាក់ថា នៅមុនពេលកើតហេតុបុរសជាប្តីបានមកពីដើរផឹកស្រាស្រវឹង ដល់ផ្ទះបានយកផ្លែដូងខ្ចីចំនួន២ផ្លែដែលប្រពន្ធទិញរៀបចំដាក់រទេះ សម្រាប់លក់បោះទៅលើប្រពន្ធ ខណៈកំពុងដេកជាមួយចៅ នៅក្រោមផ្ទះម្តាយ ១ផ្លែត្រូវខ្លួនចៅ និង១ទៀតត្រូវក្បាលប្រពន្ធ ។ បន្ទាប់មកទៀតបុរសជាប្តីមិនអស់ចិត្ត ក៏ស្ទុះទៅចាប់ច្របាច់កប្រពន្ធថែមទៀតក៏មានការប្រតាយប្រតប់គ្នា ។ ពេលនោះស្ត្រីជាប្រពន្ធបានច្រានបុរសជាប្តីឲ្យដួលទៅលើដី រួចបានយកដំបងឫស្សីទៅវា.យចំក្បាល និងមុខជាច្រើនដំបង បណ្ដាលឲ្យដេកស្លា.ប់ក្នុងថ្លុកឈាមតែម្តង។
លោកវរសេនីយ៍ឯក ស៊ិន ណារ៉ា់ បានបញ្ជាក់ថា ក្រោយពីទទួលបានព័ត៌ទាក់ទិនករណីឃាតកម្មនេះ កម្លាំងនគរបាលប៉ុស្តិ៍និងកម្លាំងនគរបាលអធិការដ្ឋានបានចុះទៅដល់កើតហេតុ និងឃាត់ខ្លួនស្ត្រីជាប្រពន្ធមកសួរនាំ ។
នៅចំពោះមុខសមត្ថកិច្ចជនសង្ស័យជាប្រពន្ធបានសារភាពថា នាងបានស៊ូទ្រាំជាប្តីរបស់នាងជាច្រើនឆ្នាំមកហើយ គាត់មិនដែលជួយរកស៊ីអីទេ ពេលផឹកស្រវឹងតែងប្រើហិ.ង្សាវា.យដំនិងជេរប្រមាថមកលើរូបគាត់ រហូតដល់ពេលខ្លះរត់ទៅដេក នៅផ្ទះម្តាយបង្កើត នៅក្បែរគ្នា ។
លោកអធិការបានបញ្ជាក់បន្ថែមថា ដោយផ្អែកលើករណីជាក់ស្តែង និងចម្លើយសារភាព ។ ស្ត្រីជាប្រពន្ធត្រូវបានកម្លាំងនគរបាលជំនាញរៀបចំសំណុំរឿងបញ្ជូនខ្លួន ទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនីតិវិធី ៕ រក្សាសិទ្ធិដោយ ៖ សុទ្ធ លី