ប្រទេសកូរ៉េខាងជើងឲ្យដឹងថា ខ្លួនស្វាគមន៍ដល់ក្រុមហ៊ុនរកស៊ីរបស់អាមេរិចឲ្យមានវត្តមាននៅក្នុងប្រទេសរបស់ខ្លួន ជាពិសេសហាងលក់ ហេមបឺហ្គឺ McDonal’s ដ៏ល្បីរបស់អាមេរិច។ នេះបើតាមការ ចេញផ្សាយរបស់សារព៌តមាន Next Shark។
ការបញ្ជាក់យ៉ាងច្បាស់នេះបានកើតឡើងក្រោយស្ថានភាពនៅឧបទ្វីបកូរ៉េ មានភាពរីកចម្រើន គួរឲ្យកត់សម្គាល់។
ព៌តមាននៃការស្វាគមន៍ចំពោះវត្តមានរបស់ក្រុមហ៊ុនអាមេរិចនៅក្នុងទឹកដីកូរ៉េខាងជើង លិចលឺពីជំនួបកំពូលរវាងមេដឹកនាំកូរ៉េខាងជើង និងកូរ៉េខាងត្បូងកាលពីពេលថ្មីៗនេះ។
មេដឹកនាំកូរ៉េខាងជើងថ្លែងនៅក្នុងសន្និសិទថា “កូរ៉េខាងជើងសូមស្វាគមន៍ចំពោះការបណ្តាក់ទុនរកស៊ីពីអាមេរិច។ ពួកយើងចង់ទាក់ទាញក្រុមហ៊ុន McDonald និងក្រុមហ៊ុនជំនួញរបស់លោកត្រាំ។ ពួកយើងសង្ឃឹមថា អាមេរិចចាត់ទុកប្រទេសយើងជាប្រទេសធម្មតាមួយ”។
សូមបញ្ជាក់ថា ប្រធានាធិបតីអាមេរិច និងមេដឹកនាំកូរ៉េខាងជើង គីម ជុងអ៊ុន ត្រូវគេរំពឹងថានឹងធ្វើជំនួបកំពូលនៅចុងខែឧសភានេះ ដែលជំនួបកំពូលនោះនឹងធ្វើឡើងនៅក្នុងប្រទេសសិង្ហបុរី៕ សុភ័ក្ត្រ
