កាលពីថ្ងៃម្សិលមិញនេះ កូនស្រីរបស់អគ្គនាយក Town Group ឯកឧត្ដម វ៉ា សុធា និងលោកជំទាវ ជួប មាន ឈ្មោះ កញ្ញា វ៉ា នីតា បានចូលរោងការជាមួយកំលោះសង្ហា ធី ឥន្ទ្រ័ធនី ដែលគេដឹងថា ជាកូនប្រុសរបស់ម្ចាស់ក្រុមហ៊ុនដឹកជញ្ជូនដ៏ធំក្នុងប្រទេស ដែលនៅក្នុងពិធីមានភាពអធិកអធមយ៉ាងខ្លាំង ដោយមានការចូលរួមផ្ដល់កិត្តិយសពីសំណាក់ញាតិមិត្ត សិល្បៈករ សិល្បៈការិនីជាច្រើនច្រើនរូប ។
សម្រាប់ពិធីជួបជុំពិសារភោជនាហារ ក្នុងឱកាសអាពាហ៍ពិពាហ៍របស់កូនស្រីម្ចាស់ផលិតកម្មថោនខាងលើ គេឃើញមានក្រៅពីវត្តមានតារាល្បីៗក្នុងព្រះរាជាណាចក្រកម្ពុជា ក៏មានវត្តមានដ៏ខ្ពង់ខ្ពស់ពីសំណាក់អ្នកដឹកនាំប្រទេសធំៗផងដែរ ដែលកាន់តែញ៉ាំងឱ្យកម្មពិធីទាំងមូល ប្រព្រឹត្តទៅប្រកបដោយភាពអធិកធម និងសោមនស្សរីករាយបំផុតនៅក្នុងបរិវេណកោះពេជ្យ ដែលមានរហូតទៅដល់ ៤អគារតែម្ដង គឺអគារ IJKL ។
ខាងក្រោមនេះ គឺជាទិដ្ឋភាពខ្លះក្នុងឱកាសពិសារភោជនាហារ នៃពិធីអាពាហ៍ពិពាហ៍របស់កញ្ញា វ៉ា នីតា CEO វ័យក្មេងនៅ Town Group និងជាកូនស្រីរបស់ឯកឧត្ដម វ៉ា សុធា និងលោកជំទាវ ជួប មាន ៕ សាវុធ
