ឆ្នាំជូត ៖ ការងារ កាន់តែរីកចម្រើន គ្រប់យ៉ាងប្រព្រឹត្តទៅដោយរលូន ។ ប៉ុន្តែសភាពផ្លូវចិត្តរបស់អ្នកក្នុងថ្ងៃសៅរ៍បែរជាមិនល្អ អ្នកប្រែជាតប់ប្រមល់ រសេះរសោះ ត្អួញត្អែរគ្រប់រឿង ។ ដើម្បីជួយឲ្យស្មារតីប្រសើរឡើង ចូរម្ចាស់ការចូលរួមសកម្មភាពសមូហភាព។
ឆ្នាំឆ្លូវ ៖ ថ្ងៃនេះជាថ្ងៃសំណាងល្អរបស់អ្នកឆ្នាំឆ្លូវទាំងពីរការងារ និងលុយកាក់ ។ ការប្រឹងប្រែងទាំងម្បាលម៉ានតាំងពីមុនមកនឹងជួយអ្នកទទួលបានប្រាក់ចំណូលយ៉ាងសន្ធឹក ។ ប៉ុន្តែសុខភាពរបស់អ្នកសូវជាល្អប្រសើរ ។ ការប្រែប្រួលធាតុអាកាសប្រថុចញ៉ុចងាយធ្វើឲ្យអ្នកកើតផ្តាសាយអស់កម្លាំង ។
ឆ្នាំខាល ៖ បុព្វហេតុរបស់អ្នកថ្ងៃនេះរលូនល្អ ថ្នាក់លើទទួលស្គាល់ សមត្ថភាព ហេតុនេះអ្នកមានឱកាសបានឡើងតំណែងឡើងប្រាក់ខែ ។ លុយកាក់ថ្ងៃនេះ ក៏ហូរចូលច្រើន ។ ដោយឡែករឿងមនោសញ្ចេតនា គឺមានភាពកក់ក្តៅ សុភមង្គល ។
ឆ្នាំថោះ ៖ ថ្ងៃនេះពុំមែនជាថ្ងៃល្អសម្រាប់អ្នកឆ្នាំថោះ ។ ការលំបាកក្នុងការងារកើតមានជាប់រហូត មិនតែប៉ុណ្ណោះថែមទាំងមានទំនាស់ជាមួយអ្នករួមការងារ ។ លុយកាក់ មានអ្នកជួយឧបត្ថម្ភ ដោះស្រាយបញ្ហាទាក់ទងលុយកាក់ ។ មនោសញ្ចេតនា ពុំបានល្អ មានការថ្នាំងថ្នាក់គ្នាតិចតួច ។
ឆ្នាំរោង ៖ ការងារអំណោយផលល្អ មានឱកាសឈានឡើងទៅខ្ពស់ក្នុងមុខតំណែង ។ ថ្ងៃនេះក៏ជាថ្ងៃសំណាងល្អអំពីរឿងលុយកាក់ ដោយមានឱកាសទទួលបានខ្ទង់ចំណូលថែម ។ ប៉ុន្តែប្រយ័ត្នពេលបើកបរយានជំនិះ ព្រោះអាចជួបគ្រោះថ្នាក់ចរាចរ ៕
ឆ្នាំម្សាញ់ ៖ ការងារល្អប្រសើរ ដោយមានអ្នកជួយយកអាសា ហេតុនេះអ្នកអាចសម្រេចបានការងារដោយជោគជ័យ និងមានបន្ថែមប្រាក់ចំណូល ។ ប៉ុន្តែថ្ងៃនេះត្រូវប្រយ័ត្នបញ្ហាសុខភាព គួរទទួលទានទឹក បន្លែ ផ្លែឈើ ឲ្យបានត្រឹមត្រូវគ្រប់គ្រាន់ ។
ឆ្នាំមមី ៖ ជាថ្ងៃមិនសប្បាយចិត្ត ងាយមួម៉ៅ ដំឡើងសំឡេងដាក់មនុស្សជុំវិញខ្លួន ។ លុយកាក់ រីកចម្រើន ចំណូលកើនឡើងជាងមុន ។ សុខភាពក៏ល្អ ពុំមានអ្វីគួរឲ្យបារម្ភ ។
ឆ្នាំមមែ ៖ ការងារ មានទំនាស់ ប្រទាញប្រទង់គ្នាជាមួយអ្នករួមការងារ ធ្វើឲ្យសមិទ្ធផលការងារត្រូវយឺតយ៉ាវ ។ ប៉ុន្តែលុយកាក់បែរជាកាក់កប ពិសេសចំពោះអ្នកប្រកបរបរពាក់ព័ន្ធដល់ការទូត ទេសចរណ៍ ឬជំនួញ ៕
ឆ្នាំវក ៖ ការងារ មនោសញ្ចេតនារបស់អ្នកថ្ងៃនេះអស្ចារ្យណាស់ ។ លុយកាក់ក៏ធូរធារជាងពេលណាៗទាំងអស់ ។ ប្រាក់មានពេញហោប៉ៅ ស្នេហាផ្អែមល្ហែម ជាអ្វីដែលអ្នកទទួលបានក្នុងថ្ងៃចុងសប្តាហ៍នេះ ។
ឆ្នាំរកា ៖ អាស្រ័យដោយមានទំនាក់ទំនងល្អជាមួយអ្នករួមការងារ អ្នកនឹងទទួលបានបង្អែកធំពីក្រោយខ្នង ហេតុនេះសមិទ្ធផលទទួលបានក៏ធំធេងដែរ ។ លុយកាក់ ល្អប្រសើរ មានខ្ទង់ចំណូលថែមច្រើន ។ ដោយឡែកសុខភាពគឺមានបញ្ហាបន្តិចបន្តួច ។
ឆ្នាំចរ ៖ ការងារ លុយកាក់ មនោសញ្ចេតនារបស់អ្នកឆ្នាំចរថ្ងៃនេះ ល្អប្រសើរ ។ សមត្ថភាពនិយាយស្តីដ៏ប៉ិនប្រសប់ជួយឲ្យអ្នកស្ថិតនៅក្នុងក្រសែភ្នែកថ្នាក់លើ ហេតុនេះការងារក៏រីកចម្រើនគួរជាទីមោទនៈ ។
ឆ្នាំកុរ ៖ ការងារ លុយកាក់ សុទ្ធតែជួបសំណាងល្អ ។ ប៉ុន្តែអ្នកគួរប្រយ័ត្នគ្រឿងអលង្ការ របស់របរពេលនៅកន្លែងមានមនុស្សច្រើន ព្រោះអាចត្រូវគេលួចប្លន់ ៕