ពពួកសត្វឈ្មោលនៃអម្បូរសត្វមានថ្នក់ Antechinus វាអាចបន្តពូជម្តងដល់ទៅ ១៤ម៉ោង ហើយផ្លាស់ប្តូរដៃគូច្រើនទៀត ចុងក្រោយវាងាប់ដោយសារបាក់កម្លាំង ។
សត្វមានថ្នក់ Antechinus ច្រើនងាប់ ក្រោយពេលបន្តពូជ ប្រភពពី CNN នៅថ្ងៃទី ១៥ ខែឧសភា អូស្ត្រាលី បានបន្ថែមប្រភេទសត្វក្នុងអម្បូរមានថ្នក់ Antechinus ២ ដែល១ ជាប្រភេទពណ៌ក្រម៉ៅ កន្ទុយខ្មៅ និងប្រភេទក្បាលស ទៅក្នុងបញ្ជីនៃប្រភេទសត្វរងការគំរាមកំហែងដាច់ពូជ ។ មូលហេតុគឺបណ្តាលមកពីទង្វើបន្តពូជយ៉ាងសាហាវក្នុងការបន្តពូជខ្លួនវា នាំឲ្យអាឈ្មោលត្រូវងាប់ ។
ពពួកសត្វនេះវាបន្តពូជមានរដូវដែលអូសបន្លាយប៉ុន្មានសប្តាហ៍ប៉ុណ្ណោះក្នុង១ឆ្នាំ ហើយការបន្តពូជម្តងៗវាអាចបន្តដល់ទៅ ១៤ម៉ោងឯណោះ។ ក្នុងរដូវបន្តពូជនេះ អាឈ្មោល និងមីញីមានការផ្លាស់ប្តូរដៃគូច្រើន វាពុំចាំបាច់ខាតបង់ពេលវេលា “ញ៉ែ”គ្នាឡើយ ដោយគ្រាន់តែប្រឹងប្រែងបន្តពូជជាមួយមុខសញ្ញា កាន់តែច្រើន កាន់តែល្អ ។
អាឈ្មោលច្រើនតែបាក់កម្លាំងស្លាប់ក្រោយបន្តពូជ ៤-៥ថ្ងៃ ។
តាមអ្នកវិទ្យាសាស្ត្រ ពពួកសត្វមានថ្នក់ Antechinus បានបាត់បង់ចំនួនភេទឈ្មោលពេញវ័យដល់ទៅពាក់កណ្តាលក្នុង១ឆ្នាំៗ។ ក្រៅពីនោះពួកវានៅរងការគំរាមកំហែង ដោយសារការកាប់ផ្តួលដើមឈើរបស់មនុស្ស ព្រោះសត្វនេះវានិយមរស់នៅកន្លែងមានដើមឈើ និងមានស្មៅច្រើន ៕ លីសា
