សៀមរាប៖ កម្លាំងសមត្ថកិច្ចនគរបាលក្រុងសៀមរាប កាលពីថ្ងៃទី ១៦ ខែ មិថុនា ឆ្នាំ ២០២២នេះ បានបញ្ជូនខ្លួន ជនសង្ស័យ៦នាក់ ទៅកាន់ស្ថាប័នអយ្យការអមសាលាដំបូងខេត្តសៀមរាប ដើម្បីសាកសួរ និង សម្រេចតាម ផ្លូវច្បាប់ ជាប់ពាក់ព័ន្ធករណី ធ្វើឲ្យខូចខាតដោយចេតនាមានស្ថានទម្ងន់ទោស និងប៉ុន.ប៉ងមនុស្ស.ឃាត ដោយធ្វើសកម្មភាពយកកាំបិតខ្វែវ និងដាវកែច្នៃ កាប់ទៅលើម៉ូតូចំនួន ២គ្រឿង និង កាប់ទៅលើជនរងគ្រោះ ប្រព្រឹត្ត នៅភូមិគ្រួស សង្កាត់ស្វាយដង្គំ ក្រុង/ខេត្តសៀមរាប ។
យោងតាមរបាយការណ៍របស់នគរបាលក្រុងសៀមរាបបានឲ្យដឹងថា ជនសង្ស័យ៦នាក់មាន៖ ១-ឈ្មោះ ញឹង តុលា ភេទប្រុស អាយុ ១៨ឆ្នាំ មុខរបរសិស្ស រស់នៅ ភូមិថ្នល់ សង្កាត់ស្រង៉ែ ក្រុង/ខេត្តសៀមរាប។ ២-ឈ្មោះ ឈុន ពេជ្រ ភេទប្រុស អាយុ ១៧ឆ្នាំ មុខរបរសិស្ស រស់នៅភូមិខ្វៀន សង្កាត់គោកចក ក្រុង/ខេត្តសៀមរាប។ ៣-ឈ្មោះ ឃុន គ្រឹះស្តារ ភេទប្រុស អាយុ១៨ឆ្នាំ មុខរបរសិស្ស រស់នៅភូមិសណ្តាន់ សង្កាត់ទឹកវិល ក្រុង/ខេត្តសៀមរាប។ ៤-ឈ្មោះ ប៊ិន សម្បត្តិ ភេទប្រុស អាយុ ១៨ឆ្នាំ មុខរបរសិស្ស រស់នៅ ភូមិសណ្តាន់ សង្កាត់ទឹកវិល ក្រុង/ខេត្តសៀមរាប។ ៥-ឈ្មោះ ម៉ុង វិមាន ភេទប្រុស អាយុ ១៨ឆ្នាំ មុខរបរសិស្ស រស់នៅភូមិសណ្តាន់ សង្កាត់ទឹកវិល ក្រុង/ខេត្តសៀមរាប។ ៦-ឈ្មោះ ម៉ុង វិបុល ភេទប្រុស អាយុ ១៧ឆ្នាំ មុខរបរសិស្ស រស់នៅភូមិសណ្តាន់ សង្កាត់ទឹកវិល ក្រុង/ខេត្តសៀមរាប។
ពួកគេ ត្រូវបានសមត្ថកិច្ចចាប់ខ្លួន កាលពីថ្ងៃទី ១៤ ខែ មិថុនា ឆ្នាំ ២០២២ ដោយបានធ្វើសកម្មភាពកាប់ម៉ូតូចំនួន ២លើកទៀត កាលពីថ្ងៃទី៩ ខែមិថុនា ឆ្នាំ២០២២ វេលាម៉ោង ១១និង៣០នាទី នៅចំណុចមុខហាងមីហិរ ស្ថិតក្នុងភូមិតាភុល សង្កាត់ស្វាយដង្គំ ក្រុង/ខេត្តសៀមរាប និងនៅថ្ងៃទី១១ ខែមិថុនា ឆ្នាំ២០២២ វេលា ១១និង៣០នាទី នៅចំណុចផ្លូវកៅស៊ូ ក្នុងភូមិតាចក សង្កាត់ស្រង៉ែ ក្រុង/ខេត្តសៀមរាប ។
ក្រោយឃាត់ខ្លួន សមត្ថកិច្ចនគរបាល ដកហូតបាន៖ -ម៉ូតូជនសង្ស័យចំនួន ៤គ្រឿង។ -ដាវកែច្នៃ និងកាំបិតខ្វែវចំនួន ៥ដើម ។
បច្ចុប្បន្ននេះ ជនសង្ស័យខាងលើនេះ កំពុងត្រូវបាន សាកសួរចម្លើយ នៅ អយ្យការអមសាលាដំបូងខេត្តសៀមរាប នៅឡើយ៕ រក្សាសិទ្ធិដោយ ៖ ចន្ទា ភា