Sunday, January 29, 2023

ក្រសួងធនធានទឹក បញ្ជាក់ថា ផ្ទៃមេឃបង្អុរភ្លៀងរាយប៉ាយច្រើនគួរសមក្នុងរយៈពេល ៧ថ្ងៃនេះ ចាប់ពីថ្ងៃទី៦ ដល់ ១២ ខែកក្កដា

spot_img

ភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងបញ្ជាក់អំពីស្ថានភាពធាតុអាកាសនៅកម្ពុជា ចាប់ពីថ្ងៃទី៦-១២ ខែកក្កដា ឆ្នាំ២០២២ ដោយក្រសួងឱ្យដឹងថា ប្រទេសកម្ពុជា បន្តទទួលរងឥទ្ធិពលពីជ្រលងនៃប្រព័ន្ធសម្ពាធទាប ដែលកើតឡើងអូសបន្លាយ លើភាគខាងជើងប្រទេសថៃ ឡាវ និងវៀតណាម ជាមួយនឹងឥទ្ធិពលខ្យល់មូសុងនិរតី បក់ក្នុងល្បឿនពីមធ្យមទៅបង្គួរនោះ នឹងធ្វើឱ្យភ្លៀងធ្លាក់រាយប៉ាយច្រើនគួរសម។

១៖តំបន់ទំនាបកណ្ដាល

  • សីតុណ្ហភាពអប្បបរមា មានពី ២៤-២៦ °C
  • សីតុណ្ហភាពអតិបរមា មានព៌ ៣៣-៣៥ °C
  • នឹងអាចមានភ្លៀងក្នុងកម្រិតពីតិចទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់ ។ ទន្ទឹមនោះ ក៏អាចមានកន្លែងខ្លះភ្លៀងធ្លាក់ច្រើនដោយអន្លើ។

២-តំបន់ខ្ពង់រាប

  • សីតុណ្ហភាពអប្បបរមា មានពី ២៣-២៥ °C
  • សីតុណ្ហភាពអតិបរមា មានពី ៣២-៣៤ °C
  • នឹងអាចមានភ្លៀងក្នុងកម្រិតពីតិចទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ។ ទន្ទឹមនោះ
    ក៏អាចមានកន្លែងខ្លះភ្លៀងធ្លាក់ច្រើនដោយអន្លើ។

៣-តំបន់មាត់សមុទ្រ

  • សីតុណ្ហភាពអប្បបរមា មានពី ២២-២៥ °C
  • សីតុណ្ហភាពអតិបរមា មានពី ៣៣-៣៥ °C
  • នឹងអាចមានភ្លៀងក្នុងកម្រិតពីមធ្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ព្រមទាំងរលកសមុទ្រមានកម្ពស់ខ្ពស់។

ស្ថានភាពដូចខាងលើ សូមបងប្អូនប្រជាពលរដ្ឋ ជនរួមជាតិ ជ្រាបជាព័ត៌មាន និងបង្កើនការប្រុងប្រយ័ត្នរៀងៗខ្លួននៅពេលដែលចង់ធ្វើដំណើរទៅណាមកណា ព្រោះខ្លាចមានគ្រោះថ្នាក់ជាយថាហេតុដោយសារគ្រោះធម្មជាតិ៕ រក្សាសិទ្ធិដោយ ៖ ពិសិដ្ឋ CEN