Sunday, February 5, 2023

ស្ថានភាពកម្ពស់ជំនន់ទឹកភ្លៀងហក់ឡើង ៥,៤០ម៉ែត្រ ​នៅ​ស្ពាន​ស្ទឹង​សំរោង​ ផ្លូវជាតិ​លេខ​៤​ , អាជ្ញាធរត្រៀមធ្វើការជម្លៀសប្រជាជន

spot_img

​ខេត្ត​ព្រះ​សីហ​នុ​ ៖​ នៅ​ព្រឹក​ថ្ងៃ​អង្គារ​ ១៤​កើត​ ខែអាសាឍ​ ឆ្នាំខាល​ ចត្វា​ស័ក​ ពុទ្ធសករាជ​ ២៥៦៦​ ត្រូវ​នឹង​ថ្ងៃ​ទី​១២​ ខែកក្កដា​ ឆ្នាំ​២០២២​ លោក​ឧត្តមសេនីយ៍ទោ​ ជួន​ ណា​រិ​ន្ទ​ ស្នងការ​នគរបាល​ខេត្ត​ព្រះ​សីហ​នុ​ បាន​អញ្ជើញ​ពិនិត្យ​ស្ថានភាព​កម្ពស់​ទឹក​នៅ​ស្ពាន​ស្ទឹង​សំរោង​ ផ្លូវជាតិ​លេខ​៤​ ចន្លោះ​គីឡូ​ម៉េ​ត​លេខ​១១៥-១១៦​ ស្ថិត​នៅ​ភូមិ​ស្ទឹង​ច្រាល​ ឃុំ​អូរ​បាក់រ​ទះ​ ស្រុក​កំពង់​សីលា​ ខេត្ត​ព្រះ​សីហ​នុ​ និង​តាម​ភូមិសាស្ត្រ​ផ្សេងៗ​ដែល​ងាយ​រង​ការ​ជន​លិច​ បន្ទាប់ពីស្ថានភាពកម្ពស់ជំនន់ទឹកភ្លៀងហក់ឡើង ៥,៤០ម៉ែត្រ ខណៈកម្ពស់ទឹកដែលនឹងប្រកាសអាសន្ន ៥,៩០ម៉ែត្រ។

​លោក​ឧត្តមសេនីយ៍ទោ​ស្នងការ​ បាន​អំពាវនាវ​ឲ្យ​បងប្អូន​ប្រជាពលរដ្ឋ​ទាំងអស់​មានការ​ប្រុង​ប្រយ័ត្ន​ឲ្យ​បាន​ខ្អ​ស់​ និង​ថែរក្សា​សុខភាព​អោយ​បាន​ល្អ​ ។

លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ អះអាងថា អាជ្ញាធរស្រុកកំពង់សិលា ត្រៀមធ្វើការជម្លៀសប្រជាជនមួយចំនួន រស់នៅភូមិស្ទឹងសំរោង ឃុំបាក់រទេះ ទៅទីទួលសុវត្ថិភាព ។

បើការតាមការសន្និដ្ឋានរបស់អាជ្ញាធរ ស្ថានភាពទឹកឡើងនិងដល់កម្ពស់ ៥,៦០ម៉ែត្រ ទៅ៥,៧០ម៉ែត្រ និងត្រូវប្រកាសអាសន្ន ។

រីឯសភាពការណ៍ក្នុងមូលដ្ឋានអាវុធហត្ថស្រុកកំពង់សីលាវិញ នៅព្រឹក ថ្ងៃទី១២ ខែកក្កដា ឆ្នាំ២០២២ កម្លាំងកងរាជអាវុធហត្ថ ស្រុកកំពង់សីលា ចំនួន០៤នាក់ ដឹកនាំដោយលោកអនុសេនីយ៍ឯក សួន ធា មេបញ្ជាការរងស្រុក សហការជាមួយកម្លាំងគណៈបញ្ជាការឯកភាពរដ្ឋបាលស្រុកកំពង់សីលា ដឹកនាំដោយលោក សៅ បុរីវឌ្ឍនៈ អភិបាលស្រុកកំពង់សីលា ចុះពិនិត្យស្ថានភាពទឹកជំនន់ដោយទឹកភ្លៀងចំណុចភូមិក្រាំងអាត់ចាស់ ឃុំកំពង់សីលា ស្រុកកំពង់សីលា ខេត្តព្រះសីហនុ ដែលមានប្រជាពលរដ្ឋរស់នៅចំនួន៤២ខ្នងផ្ទះ ក្នុងនោះរងគ្រោះដោយជំនន់ទឹកភ្លៀងចំនួន ៣៧ខ្នងផ្ទះ (ពុំមានរងគ្រោះដល់អាយុ ជីវិតមនុស្ស ឬសត្វពាហនៈឡើយ )៕ រក្សាសិទ្ធិដោយ ៖ សុទ្ធ លី

×

​ថ្ងៃ ម៉ោង នាទី វិនាទី

ព្រឹត្តិការណ៍ស៊ីហ្គេម លើកទី៣២