Sunday, January 29, 2023

ក្រសួងបញ្ជាក់ហើយ ចាប់ពីថ្ងៃទី២០-២៦ ខែកក្កដា ភ្លៀងនៅបន្តធ្លាក់រាយប៉ាយលើផ្ទៃប្រទេសកម្ពុជាបន្តទៀត ភ្នំពេញច្រើនជាងគេ

spot_img

ភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពីស្ថានភាពធាតុអាកាសនៅកម្ពុជា ចាប់ពីថ្ងៃទី២០-២៦ ខែកក្កដា ឆ្នាំ២០២២ ឱ្យដឹងថា កម្ពុជា នឹងទទួលឥទ្ធិពលពីជ្រលងនៃប្រព័ន្ធសម្ពាធទាប អូសបន្លាយពីភាគខាងជើងប្រទេសថៃ កាត់លើភាគខាងត្បូងប្រទេសឡាវ និងភាគកណ្តាលប្រទេសវៀតណាម រួមជាមួយខ្យល់មូសុងនិរតីបក់ក្នុងល្បឿនពីមធ្យមទៅបង្គួរ លក្ខណ:បែបនេះ បង្កឲ្យទៅជាភ្លៀងធ្លាក់រាយប៉ាយទូទាំងប្រទេសកម្ពុជាជាបន្តទៀត គ្រាន់តែថា តំបន់ខ្លះតិច តំបន់ខ្លះច្រើន ចំណែករាជធានីភ្នំពេញ គឺភ្លៀងធ្លាក់កន្លែងខ្លះច្រើន។

ស្ថានភាពទូទៅនៃប្រទេសកម្ពុជា រួមមាន ៖

១- តំបន់ទំនាបកណ្ដាល

  • សីតុណ្ហភាពអប្បបរមា មានពី ២៤-២៦°C
  • សីតុណ្ហភាពអតិបរមា មានពី ៣៤-៣៦°C
  • នឹងអាចមានភ្លៀងក្នុងកម្រិតពីតិចទៅបង្គួរ ជាមួយគ្នានោះផ្នែកខ្លះនៃបណ្តាខេត្ត និងរាជធានីអាចមានភ្លៀងធ្លាក់ច្រើន ដោយអន្លើលាយឡំទៅដោយផ្គរ រន្ទះ និងខ្យល់កន្ត្រាក់។

២- តំបន់ខ្ពង់រាប

  • សីតុណ្ហភាពអប្បបរមា មានពី ២៣-២៥°C
  • សីតុណ្ហភាពអតិបរមា មានពី ៣៤-៣៦°C
  • នឹងអាចមានភ្លៀងក្នុងកម្រិតពីតិចទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់ ។

៣- តំបន់មាត់សមុទ្រ

  • សីតុណ្ហភាពអប្បបរមា មានពី ២៣-២៥°C
  • សីតុណ្ហភាពអតិបរមា មានពី ៣៣-៣៥°C
  • នឹងអាចមានភ្លៀងក្នុងកម្រិតពីតិចទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់។

ស្ថានភាពធាតុអាកាសខាងលើនេះសូមបងប្អូនប្រជាពលរដ្ឋ អ្នកទេសចរ អ្នកដំណើរតាមផ្លូវទឹកនិងតាមផ្លូវគោក ប្រជានេសាទ សូមជ្រាបជាព័ត៌មាន និងបង្កើនការប្រុងប្រយ័ត្នរៀងៗខ្លួន ចៀសវាងគ្រោះថ្នាក់ជាយថាហេតុ៕ រក្សាសិទ្ធិដោយ ៖ ពិសិដ្ឋ CEN