កូនសេដ្ឋីចិនម្នាក់ បានបង្កភាពរំជើបរំជួលក្នុងបណ្តាញសង្គមប្រទេសនេះ ខណៈពេលដែលគេបានកាដូឲ្យសង្សារក្នុងឱកាសបុណ្យខួបកំណើតកាដូរូបបេះដូងមួយ ធ្វើពីក្រដាសប្រាក់ប្រភេទ ១០០យាន់ 3.344សន្លឹក ដែលមានតម្លៃស្មើនឹង ៥២.០០០ដុល្លារ ។
នារីជាសង្សារ និងកាដូពិសេស
ក្នុងរូបភាពបង្ហោះលើបណ្តាញសង្គម គេឃើញនារីរូបនេះកំពុងឈរឱបបាច់ផ្កាឈរក្បែររូបបេះដូងមួយធ្វើពីក្រដាសប្រាក់យាន់ ពណ៌ក្រហមឆេះ ។
ប្រភពព័ត៌មានឲ្យដឹងថា ហាងលក់ផ្កាមួយបានចាត់បុគ្គលិក ៧នាក់ ធ្វើការអស់១០ម៉ោង ទើបសម្រេចបានកាដូពិសេសនេះ ។
តាមភាសាចិន និងអត្ថន័យនៃលេខ ៣៣៤៤ មានន័យថា “មួយជីវិតគ្រប់ជាតិ” នៅក្បែរគ្នាជារៀងរហូត ។
ការកក្រើករញ្ជួយបណ្តាញសង្គមធ្វើឲ្យតំណាងធនាគារចិន បានប្រកាសចោទប្រកាន់ចំពោះយុវជននេះថា បានបំពានច្បាប់ ព្រោះធ្វើឲ្យអន្តរាយដល់ រូបបិយប័ណ្ណផ្លូវការរបស់ប្រទេស ។
យ៉ាងនេះក្តីពេលឮបែបនេះ ប្រជាអិនធើណេតចិន មិននៅស្ងៀមឡើយ ពួកគេបានយកប្រាក់តាមបទចម្រៀងដ៏ល្បីល្បាញ The Beatles មានខ្លឹមសារថា ៖ ខ្ញុំមិនចាប់អារម្មណ៍ទេដល់លុយ លុយមិនអាចទិញស្នេហាឲ្យខ្ញុំបានឡើយ ៕ ចន្ទ្រា