កាលពីថ្ងៃម្សិលមិញនេះភរិយារបស់គ្រូក្បាច់គុណបុរាណខ្មែរ ដែលវិវឌ្ឍនខ្លួនទៅជាតារាសម្ដែង លោក រស់ សោភ័ណ បានចូលសង្គ្រោះបន្ទាន់ បន្ទាប់ពីមានអាការៈចុកឆ្អល់ទ្រាំលែងបាន ។
លោក រស់ សោភ័ណ តួអង្គស្ដេចកន ក្នុងរឿង «ហ្លួងព្រះស្ដេចកន» បានឱ្យដឹងថា បន្ទាប់ពីគ្រូពេទ្យពិនិត្យបានរកឃើញដុំគីសក្នុងស្បូនភរិយារបស់លោក ហើយបែកហូរឈាម ដែលតម្រូវដាច់ខាតត្រូវវះកាត់ ដូចនេះអ្វីដែលលោកត្រូវការបន្ទាន់ពេលនេះ គឺឈាមចំនួន ៣កំប្លោក ព្រមទាំមានការខ្វះខាតថវិការសម្រាប់ព្យាបាល ដែលថ្លៃរហូតដល់ជិត ៩០០ដុល្លារឯណោះ នេះមិនទាន់គិតថ្លៃថ្នាំ និងបន្ទប់ផង ។
លោកបន្តថា ខណៈដែលនាំប្រពន្ធមកព្យាបាលនេះ លោកពុំមានលុយឡើយ ដោយសារតែក្រោយពីបញ្ចប់រឿង «ហ្លួងព្រះស្ដេចកន» លោកពុំមានការងារថតឡើង ហើយប្រពន្ធក៏ពុំមានការងារធ្វើដែរ ដូចនេះហើយទើបមានការអាណិតអាសូរពីសំណាក់មិត្តភក្ដិខ្លះឱ្យ ១០ដុល្លារ ២០ដុល្លារ ប៉ុន្តែនៅតែមិនគ្រប់ថ្លៃព្យាបាលទេ ។
គួរបញ្ជាក់ថា មកទល់ពេលនេះ អាការៈរបស់ភរិយាលោក រស់ សោភ័ណ បានផុតពីគ្រោះថ្នាក់ហើយ ប៉ុន្តែដោយសារវះកាត់ហូរឈាមច្រើនពេកទើបត្រូវការឈាមចំនួន ៣កំប្លោក ព្រមទាំងថិវិការផងដែរ ។ លេខ ទូរសព្ឌ័ លោក រស់ សោភ័ណ 0963122219 និង 031312229៕ សាវុធ