ស្របពេលជាមួយរឿងដ៏គគុក ដែលកើតឡើងបន្ទាប់ពីអតីតព្រះចៅអធិការវត្តភ្នំបាក់លើ ប្រព្រឹត្តអំពើមិនគប្បីជាមួយយុវតីម្នាក់រួចមក បានធ្វើឱ្យមហាជនជាច្រើនចាប់អារម្មណ៍យ៉ាងខ្លាំង រហូតដល់ធ្វើឱ្យតារាសម្ដែង និងពោធីការិនី សូ ដានីតា ទ្រាំលែងបាន បានសរសេរសារយ៉ាងវែងអន្លាយ នៅលើគណនីហ្វេសប៊ុករបស់កញ្ញា ថា ««តាំងពីដើមឡើយនាងខ្ញុំ សូ ដានីតា មិនដែលចង់ដឹង ចង់លឺ រឺតវ៉ា នឹងរឿងអ្វីនោះទេ ព្រោះជារឿងបុគ្គល តែថ្ងៃនេះនាងខ្ញុំសុំមានមតិបន្តិចទៅចុះ ព្រោះរឿង១នេះទាក់ទងទៅហ្នឹងរឿងអសីលធម៌ ប៉ះពាល់ដល់សង្គមនឹងព្រះពុទ្ធសាសនា អាប់អោនកិត្តយសដល់សង្គមជាតិនៃប្រទេសកម្ពុជារបស់យើង។ (នាងខ្ញុំសុំមិនវែកញែក កាន់ខាងណានោះទេ) តែនាងខ្ញុំសុំមេត្តា អ្នកដែលកាន់ធម៌កាន់អា សូមយកវិន័យព្រះមកទុកក្នុងចិត្ត និងគោរពតាមព្រះពុទ្ធសាសនាអោយបានខ្ជាប់ខ្ជួន ព្រោះមុននឹងអ្នកឈានជើងចូលវត្តអារាមកោរសក់ទៅបួស។ អ្នកដឹងហើយថា អ្នកត្រូវជំរុះអោយអស់នៅកិលេសតណ្ហា ភាពលោភលន់ និន្ទាឈ្នានីស គោរពប្រតិបត្តិតាមធម៌ព្រះពុទ្ធ សូម្បីតែឆាន់ល្ងាចក៏មិនបាន» ។
សូ ដានីតា បានបន្តថា «តែបើស៊ូមិនបាន ទ្រាំមិនបាន សូមមេត្តាចាកចេញពីស្បង់ជីពរ អោយដាច់ស្រឡះពីធម៌អាសិន ចាំទៅប្រឡូកនូវអំពើរឧបាយមុខផ្សេងៗ ដើម្បីកុំអោយប៉ះពាល់នូវព្រះពុទ្ធសាសនាដែលដូនតាបន្សស់ទុកអោយ នឹង ប៉ះពាល់ដល់កិត្តយសព្រះសង្ឃជាច្រើន ដែលព្រះអង្គបានលាចាកពីវិខាបទដាច់ស្រឡះ ហើយដើរតាម នឹង គោរពតាមតែព្រះពុទ្ធសាសនា បានយ៉ាងល្អភ្ជាប់ភ្ជួន , រីឯបងប្អូនជាស្ត្រីភាពវិញ , បានដឹង បានលឺរួចមកហើយថា ច្បាប់នៃព្រះសង្ឃ និងស្ត្រីភាព សូម្បីតែដាក់បាត ក៏មិនអោយប៉ះនូវស្បង់ជីពរផង រឿងអីមានអ្នកខ្លះ រត់ឡើងកុដិលោក អ្នកខ្លះស្រោចទឹកចង់ពុង ស្លៀកខោខ្លីចូលវត្ត អាវវៀលក អ្នកខ្លះព្រះស្រលាញ់ព្រះសង្ឃ មានស្នេហាលួចលាក់ មានរូបភាពស្និទ្ធស្នាលជាមួយនឹងសង្ឃ ដែលធ្វើអោយខ្លួនឯងធ្លាក់ចុះនររក ហើយសង្គមស្អប់ខ្ពើមថែមទៀតផង សូមអ្នកដែលឆ្លាប់ រឺ កំពុងមានរឿងរ៉ាវដូចខាងលើ គួរបញ្ឈប់ទៅ ព្រោះសម័យនេះ រឿងអីក៏គេដឹងដែរ ចុឹងទាន់គេមិនទាន់ដឹងគួរឈប់ទៅ , នាងខ្ញុំសុំទោស នាងខ្ញុំនិយាយនេះគឺចង់ អោយស្ត្រី១ចំនួនតូច ដែលប្រព្រឹត្តរឿងល្អ គួរបញ្ឈប់ទៅ ហើយអោយព្រះសង្ឃទាំងឡាយណា ដែលកាន់ធម៍អារមិនច្បាស់លាស់ សូមចុះចេញពីព្រះធម៍ដោយអង្គឯងចុះ ព្រោះបើនៅបន្តរគង់ជាមួយស្បង់ជីពរទៀត ហើយនៅតែមានចិត្តគំនិតប្រព្រឹត្តរឿងស្មោគរោគទៀត គឺអាចធ្លាក់នររក នឹងប៉ះពាល់អោបអោនដល់សង្គមជាតិនៃព្រះពុទ្ធសាសនា, បើនាងខ្ញុំ ទូលព្រះបង្គំ និយាយទៅមិនសមគួរ សូមមេត្តា អធ្យាស្រ័យដល់នាងខ្ញុំ នឹងទូលព្រះបង្គំផង»៕ សាវុធ
