រាជធានីភ្នំពេញ៖ អ្នកតំណាងរាស្ត្រគណបក្សសង្គ្រោះជាតិ នៅថ្ងៃពុធ ទី៨ ខែវិច្ឆិកា ឆ្នាំ២០១៧ បានចេញសេចក្តីថ្លែងការណ៍រួម ដោយបានបង្ហាញការប្តេជ្ញាចិត្តរក្សាការពារតំណែង និងតួនាទី លោក កឹម សុខា ជាប្រធានគណបក្សសង្គ្រោះជាតិ និងអនុប្រធាន ៣រូបទៀត គឺលោក ប៉ុល ហំម អ្នកស្រី មួរ សុខហួរ លោក អេង ឆៃអ៊ាង និងលោក សុន ឆ័យ នៅតែជាប្រធានក្រុមអ្នកតំណាងរាស្ត្រគណបក្សសង្គ្រោះជាតិដដែល។ ជាងនេះទៀត ក៏បានប្តេជ្ញាថា នឹងរក្សាខ្ជាប់ខ្ជួនជានិច្ច នូវឧត្តមគតិ គណបក្សសង្គ្រោះជាតិ ហើយមិនក្បត់ឆន្ទៈប្រជារាស្ត្រ ដែលបានបោះឆ្នោតជូន…។ល។
អ្នកយកព័ត៌មាន cen.com.kh មិនទាន់អាចទាក់ទង លោក សុន ឆ័យ ប្រធានក្រុមអ្នកតំណាងរាស្ត្រគណបក្សសង្គ្រោះជាតិ ដើម្បីបញ្ជាក់បន្ថែម ជុំវិញការចេញសេចក្តីថ្លែងការណ៍រួម របស់អ្នកតំណាងរាស្ត្រគណបក្សសង្គ្រោះជាតិ ថាពិតឬក្លែងក្លាយ បែបណាទេ តាមទូរស័ព្ទ នៅព្រលប់ថ្ងៃពុធ ទី៨ ខែវិច្ឆិកា ឆ្នាំ២០១៧។
ខាងក្រោមនេះ ជាខ្លឹមសារចំនួន ៧ចំណុច ដែលអ្នកតំណាងរាស្ត្រគណបក្សសង្គ្រោះជាតិ បានចេញសេចក្តីថ្លែងការណ៍រួមគ្នា បង្ហាញជំហគាំទ្រ លោក កឹម សុខា នៅតែជាប្រធានគណបក្សសង្គ្រោះជាតិមិនផ្លាស់ប្តូរ៕ ដោយ៖ ដែន សីមា
