តារាចម្រៀង ឆន សុវណ្ណរាជ បានបង្ហាញផ្ទះថ្មីមួយកន្លែងទៀររបស់លោក នៅលើបណ្ដាញសង្គមហ្វេសប៊ុក ដែលជាផ្តះវិឡាកូនកាត់ មានទំហំសមល្មម សង់លើដីធំទូលាយ ដែលមើលទៅប្រកបដោយផាសុខភាពបំផុត ។
សម្រាប់ផ្ទះមួយនេះដែរម្ចាស់បទ «សុំស្រឡាញ់ សុំ Password» ខាងលើនេះបានបញ្ជាក់ថា ជាផ្ទះលំហែសម្រាប់ក្រុមគ្រួសាររបស់លោក ដែលមានទីតាំងនៅខេត្តព្រះសីហនុ ។ ឆន សុវណ្ណរាជ ដែលជាតារាចម្រៀងល្បីងំក្នុងផលិតកម្មរស្មីហង្សមាស បានបញ្ជាក់ថា ផ្ទះមួយនេះគឺសម្រាប់បងប្អូនទាំងអស់ នៃគ្រួសាររបស់លោក មកស្នាក់លេងកម្សាន្តពេលដែលចង់មកសមុទ្រក្នុងខេត្តព្រះសីហនុ ដើម្បីកុំឱ្យមានការលំបាករកកន្លែងស្លាក់នៅ ។
សូមបញ្ជាក់ដែរថា តារាសម្រៀង ឆន សុវណ្ណរាជ បានឈរជើងយ៉ាងនឹង ក្នុងភាពល្បីល្បាញលើវិថីចម្រៀង ហើយជារឿយៗតារាប្រុសរូបនេះ ក៏មិនភ្លេចដែរនូវការចិត្តទុកដាក់ក្នុងគ្រួសារ ទោះបីជាមានភាពមរមាញឹកយ៉ាងណាក៏ដោយ ៕ សាវុធ
