ភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង នៅព្រឹកថ្ងៃទី២៥ ខែតុលា ឆ្នាំ២០២២ ស្តីពីស្ថានភាពធាតុអាកាស ចាប់ពីថ្ងៃទី២៦ ខែតុលា ដល់ ថ្ងៃទី១ ខែវិច្ឆិកា ឆ្នាំ២០២២ ឱ្យដឹងថា ក្នុងព្រះរាជាណាចក្រកម្ពុជានឹងបន្តមានភ្លៀងពីកម្រិតខ្សោយទៅមធ្យម។
បើតាមការព្យាករណ៍របស់ក្រសួងធនធានទឹក បង្ហាញថា ទ្រនុងសម្ពាធខ្ពស់ពីភាគខាងជើងប្រទេសចិន បានលាតសន្ធឹងចុះមកលើប្រទេសកម្ពុជា ហើយប្រសព្វនឹងសម្ពាធទាបពីសមុទ្រចិនខាងត្បូង, ទន្ទឹមនោះខ្យល់ក៏បានប្តូរទិសជាបណ្តើរៗ ធ្វើឱ្យប្រទេសកម្ពុជានៅតែជាផ្ទៃរងទឹកភ្លៀង ប៉ុន្តែមិនខ្លាំងក្លា។
១. តំបន់ទំនាបកណ្តាល
- សីតុណ្ហភាពអប្បបរមា មានពី ២២-២៤ °C
- សីតុណ្ហភាពអតិបរមា មានពី ២៩-៣១ °C
- បណ្តាខេត្ត-រាជធានី ផ្នែកខាងក្រោមនឹងអាចមានភ្លៀង ក្នុងកម្រិតពីតិចទៅមធ្យម ក្នុងនោះផ្នែកខ្លះ អាចមានភ្លៀងធ្លាក់បង្គួរ ដោយអន្លើរ លាយឡំទៅដោយផ្ទរ រន្ទះ។
២. តំបន់ខ្ពង់រាប
- សីតុណ្ហភាពអប្បបរមា មានពី ២១-២៣ °C
- សីតុណ្ហភាពអតិបរមា មានពី ២៩-៣១ °C
- នឹងអាចមានភ្លៀង ក្នុងកម្រិតពីខ្សោយទៅមធ្យម លាយឡំទៅដោយផ្គរ រន្ទះ។
៣. តំបន់មាត់សមុទ្រ
- សីតុណ្ហភាពអប្បបរមា មានពី ២២-២៤ °C
- សីតុណ្ហភាពអតិបរមា មានពី ២៩-៣១ °C
- អាចនឹងមានភ្លៀង ក្នុងកម្រិតពីខ្សោយទៅមធ្យម លាយឡំទៅដោយផ្គរ រន្ទះ, ដូច្នេះ បងប្អូនប្រជាពលរដ្ឋជ្រាបជាព័ត៌មាន និងមានការប្រុងប្រយ័ត្នក្នុងការធ្វើដំណើរទៅលេងកោះ ឆ្លងទន្លេសមុទ្រ ជាពិសេសអ្នកនេសាទ សូមតាមដានមើលអាកាសធាតុ៕ រក្សាសិទ្ធិដោយ ៖ ពិសិដ្ឋ CEN
