ការសម្តែងសម្លៀកបំពាក់ទាន់សម័យដ៏ចម្លែកអស្ចារ្យមួយទើបប្រព្រឹត្តទៅនៅ Jeddah,Saudi Arabia ។ សម្លៀកបំពាក់ត្រូវបានហោះក្នុងលំហដោយយន្តហោះគ្មានអ្នកបើកបរធុនតូច ។
Ali Nabil Akbar ដែលជាអ្នករៀបចំព្រឹត្តិការណ៍ខាងលើ បានប្រាប់ BBC ថា ការសម្រេចចិត្តប្រើប្រាស់យន្តហោះគ្មានអ្នកបើកបរជំនួសឲ្យតារាបង្ហាញម៉ូតពិតៗគឺដើម្បីឲ្យវាសមស្របនឹងបុណ្យរ៉ាម៉ាដាន ។ លោកឲ្យដឹងថា ក្រុមអ្នករៀបចំត្រូវចំណាយពេលដល់ ២សប្តាហ៍ទើបនឹកគិតឃើញ ហើយរៀបចំពិធីបុណ្យនេះយ៉ាងល្អប្រសើរបំផុត ។
ប៉ុន្តែតាម Time វិញបានលើកឡើងថា វាពុំមែនជាលើកដំបូងទេ ដែលគេប្រើយន្តហោះគ្មានអ្នកបើកបរជំនួសអ្នកបង្ហាញម៉ូត ។ នៅអំឡុងខែកុម្ភៈ ហាងរចនាម៉ូត Dolce & Gabbanaបានប្រើប្រាស់យន្តហោះគ្មានអ្នកបើកបរនេះបង្ហាញម៉ូតកាបូបថ្មី ។
