កាលពីថ្ងៃម្សិលមិញនេះ លោកយាយរបស់តារាចម្រៀង អេន ជី បានទទួលមរណភាពកាលពីថ្ងៃទី១១ ខែមិថុនា ឆ្នាំ២០១៨ វេលាម៉ោង ១៤ និង ៣០ នាទីរសៀលក្នុងជន្មាយុ ៨០ឆ្នាំ ដែលព័ត៌មាននេះ បានធ្វើឱ្យអ្នកគាំទ្រមានការសោកស្ដាយយ៉ាងខ្លាំង ហើយអ្វីដែលគួរឱ្យកាន់តែអាណិតតារាចម្រៀងក្នុងផលិតកម្មសាន់ដេ ខាងលើថែមទៀតនោះ គឺខណៈនេះម្ដាយរបស់នាងក៏បានធ្លាក់ខ្លួនឈឺធ្ងន់កំពុងសម្រាកនៅមន្ទីរពេទ្យ ។
យោងតាមការបង្ហោះនៅលើគណនីហ្វេសប៊ុករបស់ អេន ជី បានឱ្យដឹងថា «ខ្ញុំបាទ និងក្រុមគ្រួសារ គោរព ផ្ញើលិខិតអញ្ជើញ ជូនដល់បងប្អូនសាច់ញាតិមិត្តភ័ក្ដិជិតឆ្ងាយ ដើម្បីចូលរួមដោយក្ដីគោរពរាប់អាន និងអនុគ្រោះ ក្នុងពិធីបុណ្យអ្នកម្ដាយ ស៊ែល សុខុន ដែលបានទទួលមរណភាព កាលពីថ្ងៃទី១១ ខែមិថុន ឆ្នាំ២០១៨ វេលាម៉ោង ១៤ និង៣០នាទី ក្នុងជន្មាយុ ៨០ឆ្នាំ» ។
សូមបញ្ជាក់ថា បន្ទាប់ពីរៀបការរួច អ្នកនាង អេន ជី បានបង្ហាញសុភមង្គលរបស់ខ្លួន ជាប្ដីរបស់នាងជាហូរហែរ ប៉ុន្តែក្រោយមកនេះ នាងហាក់ដូចជាជួបទុក្ខផ្ទូន ដោយលោកយាយស្លាប់ហើយ អ្នកម្ដាយកំពុងឈឺធ្ងន់ទៀត ៕ សាវុធ
