ខេត្តកំពង់ចាម ៖ កម្លាំងសមត្ថកិច្ចអធិការដ្ឋាននគរបាលស្រុកកំពង់សៀម កាលពីថ្ងៃទី០៩ ខែ វិច្ឆិកា ឆ្នាំ ២០២២ បានបង្ក្រាប ទីតាំងលេងល្បែងសីសង ( ជល់មាន់ ) ខុសច្បាប់មួយកន្លែង និងបានឃាត់ខ្លួនជនសង្ស័យ ចំនួន៧នាក់ ប្រព្រឹត្តនៅក្នុង នៅចំណុចចំការគ នៅភូមិកោះគល់ ឃុំកោះរការ ស្រុកកំពង់សៀម ខេត្តកំពង់ចាម។
សមត្ថកិច្ចនគរបាលស្រុកកំពង់សៀម បានឱ្យដឹងថា បន្ទាប់ពីកម្លាំងនគរបាល បានទទួល ពាក្យបណ្តឹងពីប្រជាពលរដ្ឋ មានការបើក ទីតាំងលេងល្បែងស៊ីសង ជល់មាន់ នៅចំណុច បង្រ្កាបខាងលើ ។
ចំណែកវត្ថុតាងមួយចំនួនដែលរឹបអូសបានមាន៖ ម៉ូតូចំនួន ៧ គ្រឿង ។
បច្ចុប្បន្ននេះ ជនសង្ស័យ៧នាក់ខាងលើ ត្រូវបានទៅបញ្ចូន ទៅស្នងការដ្ឋាននគរបាលខេត្តកំពង់ចាម ដើម្បីចាត់ការតាមនីតិវិធីច្បាប់៕ រក្សាសិទ្ធិដោយ ៖ ចន្ទា ភា