មិនថាអ្នកមានរថយន្តផ្ទាល់ខ្លួន ឬក៏អត់នោះទេ តែពេលណាក៏ដោយ ដែលអ្នកជិះនៅក្នុងឡាន អ្នកតែងតែឃើញមានដបទឹកបរិសុទ្ធនៅក្នុងឡានជានិច្ច មិនថាដបតូច ឬដបធំ និងមានទឹកពេញៗដប ដែលជារង្វាន់បានមកពីពេលចាក់សាំងឡាននោះទេ ហើយក្នុងអំឡុងពេលធ្វើដំណើរ បើសិនស្រេកទឹកផង យើងក៏ស្រវារាវរកពីក្រោមកៅអីយកមកញ៉ាំភ្លាមតែម្ដង។ ដូច្នេះហើយ ទើបកើតមានសំណួរជាច្រើន សួរថា ការញ៉ាំទឹកពិសាបរិសុទ្ធក្នុងដបប្លាស្ទិក ដែលទុកចោលនៅក្នុងឡានបែបនេះ តើវានឹងមានគ្រោះថ្នាក់ចំពោះសុខភាពយើងដែរឬទេ? ថ្ងៃនេះយើងសូមនាំយកចម្លើយ មកជម្រាបជូនមិត្តអ្នកស្ដាប់ដូចតទៅ…
![](https://cen.com.kh/wp-content/uploads/2022/11/photo_2022-11-29_10-17-33-1024x576.jpg)
តើទឹកពិសាបរិសុទ្ធ ដែលទុកចោលនៅក្នុងឡាន មានគ្រោះថ្នាក់ចំពោះសុខភាពយើងដែរឬទេ?
តាមរយៈជំនឿដែលថា ទឹកពិសាដែលទុកចោលនៅក្នុងរថយន្តនោះ ត្រូវចំហាយក្តៅនៅក្នុងឡានដុតកម្ដៅ ឬត្រូវពន្លឺថ្ងៃចាំងចំ រហូតធ្វើឱ្យដបជ័រប្លាស្ទិកឡើងក្តៅងំ ហើយរលាយលាយឡំទៅក្នុងទឹកបរិសុទ្ធ ដែលនៅក្នុងនោះ ការពិតទៅ បច្ច័យដែលប្រឈមនឹងគ្រោះថ្នាក់បែបនេះ យើងត្រូវមកមើលសិនថា តើវាមានតិច ឬច្រើនប៉ុនណា ដូចជា…
-តើសីតុណ្ហភាពកម្ដៅនៅក្នុងរថយន្ត ក្តៅខ្លាំង ឬតិចប៉ុនណា?
-តើដបទឹកពិសាបរិសុទ្ធប្លាស្ទិក ជាដបជ័រប្លាស្ទិកប្រភេទណា? និងធន់នឹងកម្ដៅបានខ្លាំង-តិចប៉ុនណា?
តើដបទឹកពិសាបរិសុទ្ធក្នុងប្រទេសយើង ជាដបប្លាស្ទិកប្រភេទណា?
ដបទឹកបរិសុទ្ធក្នុងប្រទេសយើងនេះ ការពិតទៅ មានច្រើនប្រភេទណាស់ តែភាគច្រើនៗតែជាដបប្រភេទPET (ដបជ័រថ្លាៗ) ឬ PETE ដែលត្រូវបានចាត់ទុកថា ជាប្រភេទប្លាស្ទិកលេខ១ អាចការពារការជ្រាបចូលរបស់ឧស្ម័នហ្គាសផ្សេងៗបានយ៉ាងល្អ ទើបត្រូវបានគេនាំយកមកដាក់ទឹកពិសាបរិសុទ្ធ ទឹកភេសជ្ជៈផ្លែឈើផ្សេងៗ ប្រេងឆា ឬសូម្បីតែទឹកជ្រលក់ផ្សេងៗក៏បានដែរ។ ដបទឹកពិសាបរិសុទ្ធប្រភេទ PET នេះអាច
ធន់នឹងកម្ដៅបានខ្ពស់ដល់ទៅ ៦០-៩៥អង្សាC ឯណោះ។
![](https://cen.com.kh/wp-content/uploads/2022/11/photo_2022-11-29_10-17-36-2.jpg)
បើដបប្លាស្ទិកត្រូវនឹងកម្ដៅ តើវានឹងបញ្ចេញសារធាតុគ្រោះថ្នាក់ ចេញមកលាយឡំជាមួយទឹកដែលនៅក្នុងដបនោះដែរឬទេ?
នៅមិនទាន់មានការអះអាងច្បាស់លាស់នៅឡើយ ថាតើវានឹងមានគ្រោះថ្នាក់ដល់សុខភាពមនុស្សយើង ដូចដែលគេបាននិយាយនោះដែរឬយ៉ាងណានៅឡើយ តែក្នុងករណីដែលយើងទុកដបទឹកពិសាបរិសុទ្ធចោលនៅក្នុងឡាននោះ វានឹងគ្មានកើតជាបញ្ហាអ្វីឡើយ ព្រោះសីតុណ្ហភាពនៅក្នុងរថយន្តនោះ មិនដល់ ៦០អង្សាC ឡើយ។
តែយ៉ាងណាក៏ដោយ ទឹកពិសាបរិសុទ្ធនៅក្នុងដបជ័រប្លាស្ទិក ដែលយើងញ៉ាំរាលថ្ងៃនេះ ត្រូវបានផលិតឡើងជាដប ដែលសម្រាប់ប្រើបានតែម្តង រួចហើយបោះចោលប៉ុណ្ណោះ ដូច្នេះបើចង់ប្រើប្រាស់ម្តងទៀត គួរប្រយ័ត្នប្រយែងពីរឿងភាពស្អាតបាត និងអនាម័យឱ្យបានល្អជាមុនសិន៕
![](https://cen.com.kh/wp-content/uploads/2022/11/photo_2022-11-29_10-17-36-3.jpg)
![](https://cen.com.kh/wp-content/uploads/2022/11/photo_2022-11-29_10-17-36.jpg)
![](https://cen.com.kh/wp-content/uploads/2022/11/photo_2022-11-29_10-17-38-2.jpg)
![](https://cen.com.kh/wp-content/uploads/2022/11/photo_2022-11-29_10-17-38-3.jpg)
![](https://cen.com.kh/wp-content/uploads/2022/11/photo_2022-11-29_10-17-38-4.jpg)
![](https://cen.com.kh/wp-content/uploads/2022/11/photo_2022-11-29_10-17-38-5.jpg)
![](https://cen.com.kh/wp-content/uploads/2022/11/photo_2022-11-29_10-17-38-6.jpg)
![](https://cen.com.kh/wp-content/uploads/2022/11/photo_2022-11-29_10-17-38-7.jpg)
![](https://cen.com.kh/wp-content/uploads/2022/11/photo_2022-11-29_10-17-38-8.jpg)
![](https://cen.com.kh/wp-content/uploads/2022/11/photo_2022-11-29_10-17-38-9.jpg)
![](https://cen.com.kh/wp-content/uploads/2022/11/photo_2022-11-29_10-17-38-10.jpg)
![](https://cen.com.kh/wp-content/uploads/2022/11/photo_2022-11-29_10-17-38-1-1024x575.jpg)
![](https://cen.com.kh/wp-content/uploads/2022/11/photo_2022-11-29_10-17-39-2-2.jpg)
![](https://cen.com.kh/wp-content/uploads/2022/11/photo_2022-11-29_10-17-39-3-2.jpg)
![](https://cen.com.kh/wp-content/uploads/2022/11/photo_2022-11-29_10-17-39-4-2.jpg)
![](https://cen.com.kh/wp-content/uploads/2022/11/photo_2022-11-29_10-17-39-5.jpg)
![](https://cen.com.kh/wp-content/uploads/2022/11/photo_2022-11-29_10-17-40-2-2.jpg)
![](https://cen.com.kh/wp-content/uploads/2022/11/photo_2022-11-29_10-17-40-3.jpg)
![](https://cen.com.kh/wp-content/uploads/2022/11/photo_2022-11-29_10-17-41-2.jpg)
![](https://cen.com.kh/wp-content/uploads/2022/11/photo_2022-11-29_10-17-45-2-2.jpg)
![](https://cen.com.kh/wp-content/uploads/2022/11/photo_2022-11-29_10-17-45-3-2.jpg)
![](https://cen.com.kh/wp-content/uploads/2022/11/photo_2022-11-29_10-17-45-1.jpg)