Sunday, December 5, 2021

DJ Mike ស្ងាត់ៗ​ធ្លាយ​ដំណឹង​បើកហាង​នៅ​កំពង់សោម​

ភ្នំពេញ ៖ ក្រោយពី​វិលត្រឡប់​មកពី​ប្រទេស​ថៃ​វិញ DJ Mike មិនទាន់​បង្ហាញ​ស្នាដៃ​អ្វី​ថ្មី​ជូន​ទស្សនិកជន​ឡើយ ក្រៅពី​អាជីព​ជា DJ ដ៏​ល្បី​មួយរូប​ជំនាន់​ដែល​លោក​បាន​ទៅធ្វើ​ការងារ​ជា DJ នៅ​ប្រទេសជិតខាង​មួយ​នោះមក​។ បន្ទាប់ពី​វិល​វិញ​មក​ស្រុកកំណើត Mike តែងតែមាន​ការងារ​ជា​ហូរហែរ នៅតាម​ផ៉ា​ប់ (Pub) ផ្សេងៗ​ក្នុង​ក្រុងភ្នំពេញ​។​

​ទោះ​ធ្លាប់បាន​ការងារ​ថត​ស្ព​ត​ធំៗ ប៉ុន្តែ DJ មុខ​ដូច​កូនកាត់​រូបនេះ ត្អូញត្អែរថា​មើលទៅ​ខ្លួន​ហាក់​មិនសូវមាន​សកម្មភាព​សិល្បៈ​ដូច​មុន​សោះ​។ ប៉ុន្តែ​នោះ​ជាការ​លើកឡើង​តែ​ម្ខាង​ប៉ុណ្ណោះ ព្រោះ​បើតាម​ដឹង តារា​ប្រុស​រូបនេះ កំពុងតែ​សំងំ​បើក​កន្លែង​ផឹកស៊ី​មួយកន្លែង​នៅ​ក្រុងព្រះសីហនុ​ផងដែរ​។

​ឆ្លើយ​ឆ្លងតាម​ទូរស័ព្ទ Mike ទទួលស្គាល់ថា ការងារ​មួយរយៈ​ចុងក្រោយ​នេះ ខ្លួន​ពិតជា​ទទួលបាន​គួរសម ថ្វីត្បិតតែ​ភាគច្រើន​ជាការ​ងារ DJ ប៉ុន្តែ​វា​ជាការ​ងារ​មួយ​ដែល​ខ្លួន​ស្រលាញ់​ហើយ​បាន​ទៅ​រៀន​ជំនាញ​ច្បាស់លាស់​រហូតដល់​ប្រទេស​ថៃ ដូច្នេះ ពេល​ដែលមាន​ជំនាញ​ច្បាស់​លាញ់ Mike ចង់​ធ្វើការ​នៅក្នុង​ស្រុក​ប្រសើរ​ជាង​ចេញ​ឆ្ងាយ​ចោលផ្ទះ​។ តែ​លោក ក៏​មិន​បដិសេដ​ដែល ប្រសិនបើ​មាន​ខាង​ថៃ គេ​នៅតែ​ទាក់ទង​មក​ដើម្បី​ទៅធ្វើ​ការងារ​រូបគេ នៅតែ​ទទួល​ដដែល​។

​ទន្ទឹមនឹងនោះ Mike ថា ការ​បើកហាង​ផឹកស៊ី​នៅ​កំពង់សោម គឺជា​ចូលចិត្ត និង​មានការ​ជំរុញ​ពី​បងប្អូន ដូច្នេះហើយ​ខ្លួន​ក៏​ស​ម្រ​ច​ចូល​ហ៊ុន​ជាមួយ​ក្រុមគ្រួសារ​។ Mike បន្ថែមថា ហាង​នោះ​នឹង​បើក​ដំណើរការ​ក្នុងពេល​ឆាប់ៗ​នេះហើយ​៕ ដោយ​-​គីម ស្រីរ័ត្ន​