បន្ទាប់ពីសម្រាកពីវិស័យសិល្បៈចម្រៀងរយៈពេលប្រមាណជិត ២០ ឆ្នាំរួចមក ស្រាប់តែម្សិលមិញនេះ លោក មូន ម៉ារ៉ា បានបញ្ចេញបទចម្រៀងបទភ្លេងថ្មីមួយបទ មានចំណងជើងថា «លើកទូរស័ព្ទទៅអូន» យ៉ាងពិរោះ ។
«លើកទូរស័ព្ទទៅអូន» ជាបទចម្រៀងដំបូងបន្ទាប់ពីលោកវិលត្រឡប់ចូលស្រុកខ្មែរ វិញ ខណៈដែលោកបានបោះបង់អាជីពចម្រៀងទាំងស្រុងដោយចាប់យកអាជីពជាអ្នកដឹកនាំថតស្ពត ហើយបទចម្រៀងនេះទៀតសោត គឺជាស្នាដៃនិពន្ធទំនុកចម្រៀងរបស់ភរិយារបស់លោក មូន ម៉ារ៉ា ផ្ទាល់គឺអ្នកនាង អេង អ៊ីតា ។
សូមបញ្ជាក់ថា លោក មូន ម៉ារ៉ា គឺជាអតីតកំពូលតារាចម្រៀងដ៏ល្បីនាអំឡុងឆ្នាំ ២០០០ ហើយបទដែលទទួលស្គាល់ខ្លាំងពីសំណាក់មហាជនមានបទ «កាដូឥតន័យ» និងជាពិសេសគឺបទ «អូនទៅភ្នំពេញ» និងមានបទចម្រៀងជាច្រើនទៀត ៕ សាវុធ