ក្មេងស្រីម្នាក់ម្នាក់ បានធ្វើឲ្យអ្នកលេងអ៊ិនធើរណេតកោតសរសើរពុំដាច់ពីមាត់នោះទេ ព្រោះតែនាងត្រូវបានចាត់ទុកជាកូនដ៏ល្អម្នាក់ ដែលបានឆ្លៀតពេលទៅលក់ខោអាវជជុះ ដើម្បីជួយរកប្រាក់ផ្គត់ផ្គង់ជីវភាពគ្រួសារបន្ថែម នៅឯផ្សារ Bang Yai បន្ទាប់ពីចេញពីសាលារៀនរបស់នាង ។
ក្មេងស្រីដ៏គួរឲ្យស្រលាញ់នេះត្រូវបានគេស្គាល់ថា នាងគឺជាកូនស្រីរបស់កំពូលតារាកំប្លែងម្នាក់ឈ្មោះថា Teng Tidak ។
មនុស្សជាច្រើននៅលើបណ្តាញសង្គម បានលើកទឹកចិត្តនាងឲ្យខិតខំតស៊ូ ដើម្បីទទួលបានជោគជ័យដ៏ល្អប្រសើរសម្រាប់ខ្លួនឯងនាង ក៏ដូចជាភាពរុងរឿងឲ្យគ្រួសារផងដែរ ។
លោក Teng Tidak បាននិយាយថា៖ «ខ្ញុំពិតជានឹកកូនស្រីជាទីស្រលាញ់របស់ខ្ញុំខ្លាំងណាស់ នៅពេលពួកយើងពុំបានជួបមុខគ្នាអស់រយៈពេល៣ថ្ងៃ ។ ហេតុនេះ ខ្ញុំត្រូវសម្តែងភាពកក់ក្តៅឱបថើបកូនស្រីរបស់ខ្ញុំ ជាមួយក្តីស្រលាញ់បំផុត នៅពេលនាងវិលត្រលប់មកពីលក់ដូរវិញ» ។
ទន្ទឹមនេះផងដែរ អ្នកលេងអ៊ិនធើរណេតបានលើកឡើងថា៖ «ខ្ញុំរំភើបជំនួសខ្លាំងណាស់! ហើយនេះ ពិតជារឿងផ្តល់ភាពកក់ក្តៅដែលពុំធ្លាប់មាន ។ អ្នកពិតជាឪពុកម្នាក់ ដែលស្រលាញ់កូនស្រីរបស់អ្នកខ្លាំងណាស់» ។
នាងក៏បានឆ្លើយតបថា៖ «អរគុណអ្នកទាំងអស់គ្នាជាខ្លាំង! នេះជាសកម្មភាពដ៏រំភើបមួយ ដែលសូមបញ្ជាក់ថា ខ្ញុំស្រលាញ់ប៉ាខ្ញុំខ្លាំងណាស់» ។
គ្រួសារពោរពេញទៅដោយសុភមង្គលនេះ បាននិយាយថា ជីវិតជោគជ័យមកទល់ថ្ងៃនេះ គឺបានមកពុំងាយស្រួលនោះទេ គឺយើងត្រូវខិតខំតស៊ូសឹងរកពេលគេងពុំបាន ៕ ចន្ទី