Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ក្រសួងធនធានទឹកជូនដំណឹង ÷ ចាប់ពីថ្ងៃទី២៥ ដល់ ថ្ងៃទី៣១ ខែមករានេះ ធាតុអាកាសនឹងចុះត្រជាក់កម្រិតមធ្យម

spot_img

ក្រសួងធនធានទឹក និងឧតុនិយម បានចេញសេចក្តីជូនដំណឹង ចុះថ្ងៃទី២៤ ខែមករា ឆ្នាំ២០២៣ ស្តីពីស្ថានភាពធាតុអាកាសនៅកម្ពុជា ដោយបញ្ជាក់ថា ចាប់ពីថ្ងៃទី២៥ ដល់ ថ្ងៃទី៣១ ខែមករា ឆ្នាំ២០២៣ ពោលគឺ ក្នុងរយៈពេលមួយសប្តាហ៍នេះ ស្ថានភាពធាតុអាកាស នឹងចុះត្រជាក់បន្តទៀត។

ក្រសួងធនធានទឹក ឱ្យដឹងថា ក្នុងអំឡុងសប្តាហ៍ទី៤ នៃខែមករា នេះ ព្រះរាជាណាចក្រកម្ពុជា បន្តទទួលឥទ្ធិពលពីទ្រនុងសម្ពាធខ្ពស់នៃប្រទេសចិន និងខ្យល់មូសុងឦសានបក់ក្នុងល្បឿនពីមធ្យមទៅខ្លាំង នាំឱ្យស្ថានភាព មានដូចជា ÷

១- តំបន់ទំនាបកណ្តាល :

  • សីតុណ្ហភាពអប្បបរមា មានពី ១៨-២២ °C
  • សីតុណ្ហភាពអតិបរមា មានពី ២៨-៣៣ °C
  • អាកាសធាតុអាចចុះត្រជាក់ក្នុងកម្រិតមធ្យម។

២- តំបន់ខ្ពង់រាប :

  • សីតុណ្ហភាពអប្បបរមា មានពី ១៥-២០°C
  • សីតុណ្ហភាពអតិបរមា មានពី ២៨- ៣១°C
  • ធាតុអាកាសអាចចុះត្រជាក់ពីមធ្យមទៅខ្លាំង។ ជាពិសេសខេត្តរតនគិរី មណ្ឌលគិរី ព្រះវិហារ និងឧត្តរមានជ័យ សីតុណ្ហភាពអប្បបរមា អាចធ្លាក់ចុះមកនៅ ១៥-១៧°C នៅពេលព្រឹក និងនៅពេលយប់។

៣- តំបន់មាត់សមុទ្រ :

  • សីតុណ្ហភាពអប្បបរមា មានពី ២១-២៣ °C
  • សីតុណ្ហភាពអតិបរមា មានពី ៣០-៣៣ °C
  • នឹងអាចមានខ្យល់បក់បោកលាយឡំ និងរលកសមុទខ្ពស់។

ក្រសួងធនធានទឹក សូមអំពាវនាវដល់សាធារណជន បង្កើនការប្រុងប្រយ័ត្ន ចំពោះស្ថានភាពចុះត្រជាក់៕ រក្សាសិទ្ធិដោយ ៖ ពិសិដ្ឋ CEN

spot_img
×