កំពង់ឆ្នាំង ៖ រមណីយដ្ឋានទឹកធ្លាក់ជ្រាវ មានមនុស្សពីរនាក់ ត្រូវបានទឹកហូគូចយកទៅបាត់ ។ ការដែលបង្កឲ្យមានហេតុការណ៍នេះឡើង ទឹកបានធ្លាក់យ៉ាងគំហុក មកពីលើ ខណៈពេលដែលមានភ្លៀងធ្លាក់ខ្លាំង ដូច្នេះសូមប្រុងប្រយ័ត្នទាំងអស់គ្នាបងប្អូនទាំងអស់ ដែលលេងកម្សាន្ត ព្រោះខែភ្លៀងទឹកហូរខ្លាំងណាស់។ មុនស្សពីរនាក់បានលង់ទឹកស្លាប់ នៅចំណុចស្ទឹងក្រាំងពន្លៃដើមជ្រៃធំ ភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ បង្កឱ្យមានការភ្ញាក់ផ្អើលកាលពីវេលាម៉ោង៣និង៣០នាទីរសៀលថ្ងៃទី ២៤ ខែមិថុនា ឆ្នាំ២០១៨។
រហូតមកដល់ល្ងាចថ្ងៃទី២៤ខែមិថុនា នេះ ជនរងគ្រោះម្នាក់ត្រូវបានរកឃើញសព។ អ្នកដែលលង់ទឹកស្លាប់នេះ មានឈ្មោះ មុំ សេង ភេទប្រុស អាយុ៦០ឆ្នាំ រស់នៅភូមិសាលាលេខ៥ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង និងជនរងគ្រោះម្នាក់ទៀត មានឈ្មោះ គឺម ផាន ភេទប្រុស អាយុ៦១ឆ្នាំ រស់នៅភូមិថ្នល់ ឃុំអមលាំង ស្រុកថ្ពង។ ជនរងគ្រោះបាននាំកូនក្មួយមកលេងតំបន់ទឹកធ្លាក់ជ្រាវ និងបន្តមកលេងនៅចំណុចកើតហេតុខាងលើ។
ប្រភពនៅកន្លែងកើតហេតុបានឲ្យដឹងថា ៖ ក្រុមជនរងគ្រោះកំពុងលេងទឹកក្នុងស្ទឹងនោះ ក៏មានភ្លៀងធ្លាក់មួយមេធំ នៅចំណុចភ្នំជ្រាវ ទើបបង្កឱ្យទឹកស្ទឹងជន់ឡើងខ្លាំងយ៉ាងគំហុក និងហូរពីខាងលើ បោកជនរងគ្រោះឈ្មោះ មុំ សេង ទៅតាមទឹក។ ពេលឃើញដូចនេះ ឈ្មោះគឹម ផាន់ ក៏បានស្ទុះលោតទៅជួយ ក៏ត្រូវបានទឹកបោកបាត់ខ្លួនទាំងពីរនាក់តែម្ដង។
ប្រភពបញ្ជាក់ឲ្យដឹងទៀត រហូតដល់ម៉ោង៥និង៣០នាទី ល្ងាចទើបរកឃើញសព នៅចំណុចក្រោមស្ពានភូមិទឹកចេញ ចំងាយ២០០ម៉ែត្រ៕ ដោយ៖បញ្ញាស័ក្តិ
