Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សុខភាពយើង៖ ទង្វើ ៥យ៉ាងដែលប្រឈមនឹងការកើតជំងឺបេះដូង

spot_img

ជំងឺបេះដូង មិនមែនមានតែនៅក្នុងខ្សែភាពយន្ត ដែលយើងតែងឃើញតារាសម្តែងចំណាស់ៗ វ័យឪពុកម្តាយ លើកដៃឡើងក្តោបដើមទ្រូងជាសញ្ញាថា ឈឺបេះដូង ហើយទីបំផុតក៏ស្លាប់បាត់បង់ជីវិតនោះ មិនមែនជារឿងខុសប្រក្រតីឡើយ ព្រោះនរណាៗក៏មានសិទ្ធិកើតជំងឺបេះដូងបានទាំងអស់ ថែមទាំងមិនមែនកើតតែចំពោះមនុស្សចាស់អាយុច្រើនប៉ុណ្ណោះទេ យើងគ្រប់គ្នា គ្រប់ភេទ គ្រប់វ័យ សុទ្ធតែអាចកើតជំងឺបេះដូងបានទាំងអស់ បើមិនព្រមបញ្ឈប់ទង្វើដូចតទៅនេះទេ…

២- បរិភោគអាហារដែលមានខ្លាញ់ច្រើន
ដូចជា ជើងជ្រូក ពោះជ្រូក សាច់ជ្រូកបីជាន់ ស្បែកមាន់បំពង សម្លរខ្ទិះ និងខ្លាញ់ៗផ្សេងៗ ព្រោះបើសិនជាបរិភោគច្រើនជ្រុលពេក អាចនឹងធ្វើឱ្យកើតសភាវជាតិខ្លាញ់ញ៉ុកណែននៅក្នុងសរសៃឈាម ធ្វើឱ្យឈាមបាញ់ចេញទៅចិញ្ចឹមរាងកាយមិនគ្រប់គ្រាន់ រហូតធ្វើឱ្យកើតសភាវបេះដូងខ្វះឈាម និងអាចនាំឆ្ពោះទៅរកសភាវគាំងបេះដូងបាននៅទីបំផុត។

២- ជក់បារី
មនុស្សជាច្រើនអាចនឹងគិតថា ការជក់បារី នឹងធ្វើឱ្យកើតជំងឺមហារីកសួតតែប៉ុណ្ណោះ តែការពិតវិញ បារី ក៏ជាមូលហេតុ ដែលបណ្ដាលឱ្យកើតជំងឺបេះដូងដូចគ្នាដែរ ព្រោះបារីធ្វើឱ្យបេះដូងខ្សោះឈាម និងកើតជំងឺសរសៃឈាមបេះដូង។

៣- អាការធុញថប់តានតឹងអារម្មណ៍
ដូចដែលយើងធ្លាប់ឃើញនៅក្នុងខ្សែភាពយន្តថា មហាសេដ្ឋីទាំងឡាយដែលធ្វើការងារច្រើន មានអារម្មណ៍តានតឹងធុញថប់ ត្រូវរែកពន់បន្ទុកធ្ងន់ៗ និងមានសម្ពាធផ្លូវចិត្តគ្រប់ពេលវេលា រហូតកើតជំងឺបេះដូង នោះគឺជារឿងពិត ព្រោះពេលណាដែលយើងមានអារម្មណ៍ធុញថប់តានតឹង បេះដូងយើងនឹងធ្វើការកាន់តែខ្លាំងឡើង បេះដូងដើរកាន់តែញាប់ឡើង សម្ពាធឈាមខ្ពស់ឡើង រហូតអាចកើតសភាវបេះដូងដើរខុសចង្វាក់ និងជំរុញអាការរបស់ជំងឺបេះដូង ឱ្យកាន់តែធ្ងន់ធ្ងរឡើងទៀតផង (ក្នុងករណីដែលអ្នកជំងឺ កំពុងមានភាពប្រឈមស្រាប់ហើយ)។

៤- មិនដែលហាត់ប្រាណ
ការរត់ ការរាំ អ៊ែ-រ៉ូ-ប៊ិក-ឌែនស៍ ឬហាត់ប្រាណបែប ខា-ឌី-អូ ផ្សេងៗ ប្រៀបដូចជានាំគ្នាជួយឱ្យបេះដូងបានហាត់ប្រាណ និងបង្កើនភាពរឹងមាំដល់បេះដូងដូច្នោះដែរ។ បើបេះដូងមិនដែលបានហ្វឹកហាត់ ច្បាស់ជាទ្រាំទ្រនឹងការធ្វើការធ្ងន់មិនរួច ហើយនៅពេលដែលយើងស្ថិតក្នុងសភាវបេះដូងត្រូវធ្វើការធ្ងន់ តែបេះដូងទទួលមិនរួច អាចនឹងធ្វើឱ្យសភាវបេះដូងគាំងបាន។

៥- កើតជំងឺទឹកនោមផ្អែម រោគធាត់
បើអ្នកកើតជំងឺទឹកនោមផ្អែម ឬធាត់ស្រាប់ហើយនោះ អ្នកនឹងប្រឈមនឹងការកើតជំងឺបេះដូងខ្លាំងឡើងដែរ ព្រោះមានឱកាសខ្ពស់ណាស់ ដែលអ្នកនឹងមានជាតិខ្លាញ់នៅក្នុងឈាមខ្ពស់ ធ្វើឱ្យឈាមខាប់ ញ៉ុកណែនក្នុងសរសៃឈាម ដែលចាត់បញ្ជូនឈាមទៅចិញ្ចឹមបេះដូង ធ្វើឱ្យបេះដូងធ្វើការកាន់តែខ្លាំងឡើង រហូតទៅលែងរួច និងគាំងនៅទីបំផុត។

បានដឹងបែបនេះហើយ គួរឧស្សាហ៍ហាត់ប្រាណ តមជក់បារី កាត់បន្ថយអាហារដែលមានជាតិខ្លាញ់ច្រើន និងរក្សាសុខភាពរាងកាយ និងផ្លូវចិត្ត ឱ្យរឹងមាំជាប់ជានិច្ច។ តែប៉ុនហ្នឹងអ្នកអាចកាត់បន្ថយភាពប្រឈមក្នុងការកើតជំងឺបេះដូងបានច្រើនទៅហើយ៕

The photo of heart is on the woman’s body, Severe heartache, Having heart attack or Painful cramps, Heart disease, Pressing on chest with painful expression.
The photo of heart is on the woman’s body, Severe heartache, Having heart attack or Painful cramps, Heart disease, Pressing on chest with painful expression.
Cartoon heart character running on treadmill for design.
spot_img
×