Wednesday, February 21, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ប្រាប់​អភិបាល​រាជធានី​-​ខេត្ត​ទាំង​២៥ ត្រូវដាក់​ក្រុមការងារ​ប្រចាំ បញ្ជា​សម្រាប់​តាមដាន​និង​ដោះស្រាយ​បញ្ហា ក្នុង​ឧបាយកល​ផ្ដូ​ល​រំលំ​រដ្ឋាភិបាល​

spot_img

​ភ្នំពេញ ​៖ ​សម្ដេច​ក្រឡាហោម ស ខេង ឧបនាយករដ្ឋមន្ត្រី​និង​ជា​រដ្ឋមន្ត្រី​ក្រសួងមហាផ្ទៃ​បាន​ប្រាប់​ទៅ​អភិបាល​រាជធានី​-​ខេត្ត​ទាំង​២៥ ឲ្យ​រៀបចំ​ក្រុមការងារ​ប្រចាំ​បញ្ជា​សម្រាប់​តាមដាន និង​ដោះស្រាយ​បញ្ហា​នានា ពាក់ព័ន្ធ​នឹង​ឧបាយកល​ផ្ដួលរំលំ​រដ្ឋអំណាច​ស្របច្បាប់​នៅ​កម្ពុជា​។​

ការដាក់​បទបញ្ជា​រប​ស់ស​ម្ដេច​ក្រឡាហោម ស ខេង ត្រូវបាន​ធ្វើឡើង ខណៈដែល​នៅសល់តែ​៣​ថ្ងៃ​ទៀត​ប៉ុណ្ណោះ​គឺ​នៅ​ថ្ងៃទី​១៦ ខែវិច្ឆិកា ឆ្នាំ​២០១៧​ខាងមុខនេះ តុលាការ​កំពូល​នឹង​បើកសវនាការ​កាត់ទោស​រំលាយ​គណបក្ស​សង្គ្រោះ​ជាតិ​រឿង​ក្បត់ជាតិ​។​

​ដោយយោង​លិខិត​ចុះ​ថ្ងៃទី​១៣​ខែវិច្ឆិកា​របស់​សម្ដេច​ក្រឡាហោម ស ខេង ឧបនាយករដ្ឋមន្ត្រី​និង​ជា​រដ្ឋមន្ត្រី​ក្រសួងមហាផ្ទៃ​ផ្ញើជូន​អភិបាល​រាជធានី​-​ខេត្ត​ទាំង​២៥ ។​

Advertisements

​នៅក្នុង​លិខិត​ខាងលើ​ដែល​ចុះហត្ថលេខា​ដោយ សម្ដេច​ក្រឡាហោម ស ខេង ឧបនាយករដ្ឋមន្ត្រី​និង​ជា​រដ្ឋមន្ត្រី​ក្រសួងមហាផ្ទៃ​បាន​បញ្ជាក់ថា “​ដើម្បី​គ្រប់គ្រង​តាមដាន​សភាពការណ៍ និង​ដោះស្រាយ​បញ្ហា​នានា បាន​ទាន់ពេលវេលា​យ៉ាង​ឆាប់រហ័ស​នៅតាម​រដ្ឋបាល​រាជធានី​-​ខេត្ត ក្រសួងមហាផ្ទៃ ស្នើ​ឯកឧត្តម លោកជំទាវ រៀបចំ​ក្រុមការងារ​ប្រចាំ​បញ្ជា សម្រាប់​តាមដាន និង​ដោះស្រាយ​បញ្ហា​នានា​ពាក់ព័ន្ធ នឹង​ឧបាយកល​ផ្ដួលរំលំ​រដ្ឋអំណាច​ស្របច្បាប់​នៅ​កម្ពុជា ចាប់ពី​ថ្ងៃទី​១៥ ខែវិច្ឆិកា ឆ្នាំ​២០១៧​តទៅ នឹង​រាយការណ៍​មក​ក្រសួងមហាផ្ទៃ​”៕ ដោយ​៖​បញ្ញា​ស័ក្តិ​

spot_img
×