បុរសម្នាក់ទទួលបានការកោតសរសើរជាខ្លាំង ពីសំណាក់អ្នកប្រើប្រាស់បណ្តាញសង្គម បន្ទាប់ពីរូបគាត់បានធ្វើ «ម៉ាស្សាស្បែក» ឲ្យមិត្តស្រីរបស់គាត់ ខណៈនាងកំពុងគេងលក់យ៉ាងស្កប់ស្កល់ ។
នៅដើមខែមិថុនានេះ នារីជាមិត្តស្រីនោះដែលមានឈ្មោះ Shankika Silverio បានចេញទៅខាងក្រៅផ្ទះនៅពេលយប់ និងទទួលទានភេសជ្ជៈពីរបីកំប៉ុង ប៉ុន្តែ បន្ទាប់ពីនោះមក នាងក៏មានអារម្មណ៍ងងុយគេងនៅក្នុងរថយន្ត ខណៈមិត្តប្រុសរបស់នាងបើកបរ ។
នៅយប់នោះអាចជារាត្រីផ្តល់ភាពសប្បាយរីករាយមួយ ព្រោះថាមិត្តប្រុសរបស់នាងឈ្មោះ Albrecht Saqario ពុំបានលើកបីនាងឡើងគ្រែទេ ប៉ុន្តែ គាត់បែរជាធ្វើទម្លាប់ម៉ាស្សាស្បែកឲ្យនាងតែម្តង ។
នៅក្នុងបណ្តារូបភាពចែករំលែកកាលពីថ្ងៃទី៧ ខែមិថុនា Saqario ត្រូវបានឃើញអនុវត្តវិធីម៉ាស្សាជាមួយ Toner (skin care), ក្រែមភ្នែក និង moisturizer នៅលើផ្ទៃមុខរបស់នាង ។
នៅពេលអ្នកប្រើប្រាស់ Twitter ម្នាក់ សួរថាតើ Sagario ប្រើម្សៅ ឬទឹកសម្អាតម្យ៉ាង នាង Silverio ចែករំលែករូបភាពមួយអំពីទឹក micellar ។
ពុំត្រឹមតែប៉ុណ្ណឹងទេ Sagario ក៏បានប្រើលាបថ្នាំក្រចកជើងឲ្យមិត្តស្រីថែមទៀតផង ។
ចាប់តាំងពីរឿងរ៉ាវនេះ បានរីករាលដាលនៅលើបណ្តាញសង្គម គូស្នេហ៍នេះ ដែលសុទ្ធតែជាអ្នកបើកបរយន្តហោះ នៅក្នុងប្រទេសហ្វីលីពីន បានទទួលនូវក្តីស្រលាញ់ជាខ្លាំងពីមនុស្សជាច្រើន ៕ ចន្ទី