នៅទីស្តីការក្រសួងបរិស្ថាន ព្រឹក ថ្ងៃទី៤ ខែកក្កដា ឆ្នាំ២០១៨ លោក សាយ សំអាល់ រដ្ឋមន្ត្រីក្រសួងបរិស្ថាន នៃព្រះរាជាណាចក្រកម្ពុជា និង លោក បណ្ឌិត ZHAO Yingmin អនុរដ្ឋមន្ត្រីនៃក្រសួងអេកូឡូស៊ី និងបរិស្ថាន នៃសាធារណៈរដ្ឋប្រជាមានិតចិន បានអញ្ជើញចូលរួមជាអធិបតីក្នុងពិធី ចុះហត្ថលេខាលើអនុស្សារណៈយោគយល់គ្នាចំនួន៣ ស្តីពី៖ ១.ការបង្កើតការិយាល័យរៀបចំបង្កើតមជ្ឈមណ្ឌលសហប្រតិបត្តិការបរិស្ថាន កម្ពុជា-ចិន ២.កិច្ចសហប្រតិបត្តិការអភិរក្សជីវៈចម្រុះ កម្ពុជា-ចិន ៣. គម្រោងឧបត្ថម្ភម៉ាស៊ីនសំអាតទឹកកខ្វក់ និងពិធីសម្ពោធដាក់ឱ្យ ប្រើប្រាស់ “ការិយាល័យរៀបចំបង្កើតមជ្ឈមណ្ឌលសហប្រតិបត្តិការបរិស្ថាន កម្ពុជា-ចិន”។
លោក បណ្ឌិត ហ្សៅ យីងមីន(ZHAO Yingmin) អនុរដ្ឋមន្ត្រីនៃក្រសួងអេកូឡូស៊ី និងបរិស្ថាន នៃសាធារណៈរដ្ឋប្រជាមានិតចិន បានអោយដឹងថា កិច្ចសប្រតិបត្តិការនេះ គឺជាសម្មិទ្ធិផលមួយ នៃខួបលើកទី៦០ នៃការបង្កើតទំនាក់ទំនងចិនកម្ពុជា ជាពិសេសនៅលើវិស័យបរិស្ថាន ដែលថ្នាក់ដឹកនាំជាន់ខ្ពស់នៃប្រទេសទាំងពីរបានបង្កើតឡើង តាមរយះជំនឿទុកចិត្តគ្នា ទៅលើគ្រប់វិស័យ ជាពិសេសវិស័យបរិស្ថាន។
លោក បានបានបញ្ចាក់បន្តថា ក្រសួងនៃប្រទេសទាំងពីរបានបង្កើត កិច្ចសហការទ្វេភាគី និងពហុភាគីនៅក្នុងតំបន់ ទៅលើកិច្ចការសំខាន់ៗ ដែលនាំមកនូវផលប្រយោជន៍ ជាច្រើនជាពិសេស លើកិច្ចការការពារបរិស្ថាន ។ រដ្ឋាភិបាលចិនបានយកចិត្តទុកដាក់ខ្ពស់ទៅលើកិច្ចការពារបរិស្ថាន និងអេកូឡូស៊ី នៅក្នុងកិច្ចការងារអភិបាលកិច្ច របស់រដ្ឋាភិបាលប្រទេសចិន គឺបានដាក់ចេញនូវគោលនយោយបាយក៏ដូចជា យុត្តិសាស្ត្រ នៅក្នុងរយៈពេលប្រាំឆ្នាំចុងក្រោយនេះ ដែលទទួលបាននូវសមិ្មទ្ទិផលនូវកិច្ចការពារបរិស្ថាននេះ។
លោក សាយ សំអាល់ រដ្ឋមន្ត្រីក្រសួងបរិស្ថាន មានប្រសាសន៍ថា តាមរយៈការចុះហត្ថលេខា ចុះកិច្ចព្រមព្រៀងរវាងក្រសួងបរិស្ថាន នៃកម្ពុជា និងក្រសួងអេកូឡូស៊ី និងបរិស្ថាន នៃប្រទេសចិននេ គឺពិតជាមានសារៈសំខាន់ ណាស់ក្នុងការចូលរួមចែករំលែកនូវបទពិសោធន៍ គ្នាទៅវិញទៅមក ជាពិសេសគឺការចូលរួមដោះស្រាយនូវបញ្ហាបរិស្ថាននៃប្រទេសទាំងពីរ ក៏ដូចជាសំរាប់សកលលោក អោយកាន់តែទទួលបានប្រសិទ្ធភាពខ្ពស់ផងដែរ។
លោក រដ្ឋមន្ត្រីមានប្រសាសន៍បញ្ជាក់បន្តថា វឌ្ឍនភាពរបស់ក្រសួងបរិស្ថាន ក្នុងអាណត្តិទី៥នេះ ក្រសួងបានដាក់ចេញនូវកំណែទម្រង់ ជាមួយនិងការចូលរួមនៅតាម ដែលកំពុងមានការកែនូវរចនាសម្ព័ន្ធ ខាងក្រោមរស់ក្រសួង ការកសាងនូវអាគារថ្មី និងការធ្វើកំណែទម្រង់នៅលើវិស័យបរិស្ថាន ក៏ដូចជាការធ្វើកំណែទម្រងស់រដ្ឋបាលសាធារណៈ ទូទៅនៅថ្នាក់ក្រោម ដើម្បីអោយការអនុវត្តន៍ នូវផែនការយុត្តិសាស្ត្រនេះទទួលបានប្រសិទ្ធភាពខ្ពស់ទៅតាមគោលដៅ ៕ ដោយ៖បញ្ញាស័ក្តិ
