ភ្នំពេញ៖ អត្រាគ្រោះថ្នាក់ចរាចរណ៍ ខណៈពេលបើកបរពេលកំពុងភ្លៀង គឺមានខ្ពស់បំផុត។ ចំនុចសំខាន់ដែលត្រូវប្រុងប្រយ័ត្ន និងធ្វើឱ្យបានក្នុងពេលបើកបរលើផ្លូវល្បឿនលឿន នៅពេលកំពុងមានភ្លៀងធ្លាក់នោះគឺ៖បន្ថយល្បឿន រក្សាគម្លាត និងបើកភ្លើងកូត។
នៅថ្ងៃទី២៥ខែឧសភានេះ ក្រុមហ៊ុនផ្លូវល្បឿនលឿន សូមធ្វើការអំពាវនាវដល់អ្នកធ្វើដំណើរទាំងអស់ សូមបង្កើនការប្រុងប្រយ័ត្នឱ្យបានខ្ពស់នៅពេលធ្វើដំណើរ ដោយត្រូវអនុវត្ត៖
១. សូមត្រួតពិនិត្យយានយន្តឱ្យបានត្រឹមត្រូវ និងគ្រប់ជ្រុងជ្រោយមុនពេលចេញដំណើរ រួមមាន៖ កង់រថយន្ត ភ្លើងសញ្ញា កម្រិតទឹក ប្រេងម៉ាស៊ីន ប្រព័ន្ធហ្រ្វាំង ផ្លឹតទឹក ។ល។ គួរត្រៀមចំណាំងផ្លាតពណ៌ក្រហមរាងត្រីកោណ និងបំពង់ពន្លត់អគ្គីភ័យ ភ្ជាប់តាមរថយន្តរៀងរាល់ពេលធ្វើដំណើរ។
![](https://cen.com.kh/wp-content/uploads/2023/05/photo_2023-05-25_17-32-04-2-1024x769.jpg)
២. នៅពេលមានភ្លៀងធ្លាក់ អ្នកបើកបរត្រូវបើកភ្លើងកូត ហើយបន្ថយល្បឿនក្នុងការធ្វើដំណើរ។ ក្នុងករណីមានភ្លៀងធ្លាក់ខ្លាំង ចុះអ័ព្ទ មានដី ឬផ្សែងហុយ ដែលមិនអាចមើលឃើញច្បាស់ សូមបើកភ្លើងសញ្ញាសុំផ្លូវ រួចបន្ថយល្បឿនក្នុងការធ្វើដំណើរ។ បុគ្គលិកយើងខ្ញុំ ដែលប្រចាំការនៅក្នុងបញ្ជរបង់ប្រាក់តែងក្រើនរំលឹកដល់អ្នកបើកបរ ដែលឆ្លងកាត់អោយបន្ថែមការប្រុងប្រយ័ត្ន នៅពេលមានភ្លៀងធ្លាក់ ដូចនេះសូមចូលរួមអនុវត្តទាំងអស់គ្នាដើម្បីសុវត្ថិភាពក្នុងការធ្វើដំណើរ។
៣. នៅតាមដងផ្លូវល្បឿនលឿន យើងមានផ្ទាំងប៉ាណូអេឡិចត្រូនិច ដើម្បីបង្ហាញសារក្រើនរំលឹក និងផ្តល់ពត៌មាននៅពេលមានភ្លៀងធ្លាក់ ឬមានការកើតហេតុអ្វីមួយ នៅលើដងផ្លូវខាងមុខ។
![](https://cen.com.kh/wp-content/uploads/2023/05/photo_2023-05-25_17-32-03-2-1024x768.jpg)
៤. នៅពេលជួបប្រទះនឺងគ្រោះថ្នាក់ ឬ យានយន្តមានបញ្ហា ត្រូវបើកភ្លើងសញ្ញាបត់ស្តាំ បន្ថយល្បឿន ហើយអែបទៅឈប់ក្នុងគន្លងផ្លូវអាសន្ន ដែលនៅខាងស្តាំដៃបំផុត។ ចំពោះអ្នករួមដំណើរទាំងអស់ ត្រូវចាកចេញពីយានយន្ត រួចចេញទៅឈរនៅខាងក្រៅរនាំងសុវត្ថិភាព ហើយរាយការណ៍ទៅប៉ូលីស ឬក្រុមសង្រ្គោះបន្ទាន់ផ្លូវល្បឿនលឿន តាមរយៈលេខទូរស័ព្ទសង្រ្គោះ 1399។ ហាមជាដាច់ខាតការឈរ ឬដើរចុះឡើង និងជជែកពិភាក្សាគ្នានៅលើដងផ្លូវល្បឿនលឿន ដែលអាចនឹងបណ្តាលឱ្យមានគ្រោះថ្នាក់៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2023/05/5-road1.jpg)
![](https://cen.com.kh/wp-content/uploads/2023/05/309872971_2238668289648252_823255788604633062_n-1024x768.jpg)
![](https://cen.com.kh/wp-content/uploads/2023/05/photo_2023-05-25_17-32-03-1024x576.jpg)
![](https://cen.com.kh/wp-content/uploads/2023/05/photo_2023-05-25_17-32-04.jpg)
![](https://cen.com.kh/wp-content/uploads/2023/05/sbm-YWFC0Pk4l2R540e_0UH1b-1024x683.jpeg)