Wednesday, July 24, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ជនជាតិ​ថៃមួយ​ក្រុ​ម​បាន​ជាប់​គាំង​ក្នុង​ប្រ​ទេស​ចិន បន្ទាប់​បាញ់​ការបោកប្រាស់​ពី​តំណាង​ក្រុម​ហ៊ុនមួយ ធានា​គ្រប់បែបយ៉ាង តែ​ចុងក្រោយ​បែរជា…

spot_img

ជនជាតិថៃមួយក្រុម ដែលត្រូវបានក្រុមហ៊ុនមួយនៅទីក្រុងឈៀងម៉ៃ បោកបញ្ឆោតឱ្យលក់ទំនិញក្នុងប្រទេសចិន បានអស់សង្ឃឹមយ៉ាងខ្លាំងក្នុងការជួយ បន្ទាប់ពីពួកគេពុំត្រឹមតែមានបញ្ហាផ្លូវច្បាប់ទេ គឺថែមទាំងហិរញ្ញវត្ថុផងដែរ។

ក្រុមជនជាតិថៃទាំងនោះដែលមានគ្នា ៨០ នាក់ ឥឡូវនេះកំពុងជាប់គាំងនៅក្នុងប្រទេសចិន ដោយត្រូវប្រឈមមុខនឹងការថមថយថវិកា ការផុតកំណត់ទិដ្ឋាការ និងហានិភ័យនៃការក្លាយជាជនអន្តោប្រវេសន៍ខុសច្បាប់ បន្ទាប់ពីពួកគេត្រូវបានអូសទាញទៅប្រទេសចិន ដោយក្រុមហ៊ុនដែលមានមូលដ្ឋាននៅទីក្រុងឈៀងម៉ៃ ជាមួយនឹងការសន្យានៃអាជីវកម្មលក់អាហារដែលរកកម្រៃបានប្រហែល 20,000 បាតក្នុងមួយថ្ងៃ។

យោងតាមប្រភពព័ត៌មានពី KhaoSod បានឲ្យដឹងថា ក្រុមហ៊ុននោះបានធានាពួកគេក្នុងការដោះស្រាយរាល់អ្វីៗទាំងអស់ដែលទាក់ទងនឹងទិដ្ឋាការ ការស្នាក់នៅ និងការហូបចុក។ តែទន្ទឹមនឹងនេះ ពួក​គេក៏​ត្រូវ​បាន​ស្នើ​ឱ្យ​បង់​ប្រាក់​ដំបូង​ប្រហែល ៣០,០០០ បាត​ក្នុង​ម្នាក់ៗ។ តែទោះបីជាមានការធានាទាំងនេះក៏ដោយ ក្រុមនេះត្រូវបានចេញទិដ្ឋាការដែលមានសុពលភាពត្រឹមតែបីខែ បើទោះបីជាកិច្ចសន្យាការងាររបស់ពួកគេមានរយៈពេលមួយឆ្នាំក៏ដោយ។

បុរស​ម្នាក់​មក​ពី​ខេត្ត​ឈៀងម៉ៃ ដែល​សុំ​មិន​បញ្ចេញ​ឈ្មោះបាន​ចែក​រំលែក​ថា ពួក​គេ​រស់​នៅ​ក្នុង​ស្ថានភាព​ចង្អៀត ដោយ​មនុស្ស​៦​នាក់​ទៅ​បន្ទប់​មួយ។ នៅពេលដែលពួកគេចាប់ផ្តើមធ្វើការ ពួកគេបានជួបប្រទះនឹងបញ្ហានៃការលក់ ហើយប្រាក់ចំណូលប្រចាំថ្ងៃរបស់ពួកគេបានធ្លាក់ចុះពីរាប់ពាន់ទៅរយបាត ខណៈថ្ងៃ​ខ្លះ​លក់​មិន​ដាច់​សោះ ហើយបញ្ហាចម្បងនៅពេលនេះ គឺពួកគេមិនអាចបន្តទិដ្ឋាការរបស់ពួកគេ ដែលនឹងត្រូវផុតកំណត់ក្នុងរយៈពេលបីខែ ដោយទុកពួកគេជាជនអន្តោប្រវេសន៍ខុសច្បាប់នៅក្នុងប្រទេសចិន តំណាង​ក្រុមហ៊ុន​បាន​ត្រឡប់​ទៅ​ប្រទេស​ថៃ​វិញ ហើយ​ពុំបាន​ផ្តល់​ជំនួយ​អ្វី​បាន​ទេ។

បច្ចុប្បន្ន មនុស្សប្រហែល ២៥ នាក់កំពុងជាប់គាំងជាជនអន្តោប្រវេសន៍ខុសច្បាប់ក្នុងប្រទេសក្រៅ។ ជន​ជាតិ​ថៃ​ម្នាក់​ទៀត​នៅ​ក្នុង​ក្រុម​បាន​និយាយ​ថា៖ «ពួកយើង​កំពុង​ជួប​ការ​លំបាក ពួកយើងសឹងតែ​គ្មាន​ផ្ទះ​សម្បែងស្នាក់នៅ ព្រោះ​​គ្មាន​លុយ​ជួល។ មិត្ត​ភក្តិ​ថៃ៤​នាក់​បាន​ទៅ​រស់​នៅ​ខាង​ក្រៅ​ទៅកន្លែងសាធារណៈរួច​ហើយ ​ព្រោះ​ពួក​គេ​គ្មាន​លុយ។ បើ​យើង​មិន​ទទួល​បាន​ជំនួយ​ទេ ពួកយើង​នឹង​ជួប​វាសនា​ដូច​គ្នា។ ពួកយើង​នឹង​មិន​មាន​អាហារ​ទេ ព្រោះ​លុយ​របស់​យើង​ជិត​អស់​ហើយ។

យើង​បាន​ស្វែង​រក​ជំនួយ​ពី​ស្ថានទូត​ថៃ ប៉ុន្តែ​មិន​មាន​ការ​ឆ្លើយ​តប​ទេ។ យើងកំពុងតស៊ូដោយខ្លួនឯង។ តំណាងក្រុមហ៊ុនបានរត់បាត់ ដោយមិនបានផ្តល់ជំនួយអ្វីឡើយ ដោយទុកឲ្យពួកយើងរស់ដ៏លំបាក។ អ្វីដែលពួកយើងចង់បាននៅពេលនេះ គឺត្រឡប់ទៅផ្ទះវិញ ហេតុនេះ សូម​អង្វរ​ជួយដល់ពួកយើងផង»៕ រក្សាសិទ្ធិដោយ៖ លឹម ហុង

spot_img
×