ភ្នំពេញ ៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា ទទួលបន្ទុកជាប្រធានក្រុមការងារគោលនយោបាយក្នុងការរៀបចំការបង្កើតតំបន់សេដ្ឋកិច្ចពិសេសកម្ពុជា-ជប៉ុន បានអញ្ជើញដឹកនាំក្រុមការងារអន្តរក្រសួង-ស្ថាប័នប្រជុំពិភាក្សាលើការរៀបចំឯកសារទស្សនទានត្រៀមរៀបចំតំបន់សេដ្ឋកិច្ចពិសេសកម្ពុជា-ជប៉ុន។
![](https://cen.com.kh/wp-content/uploads/2024/02/photo_2024-02-12_20-37-29-1024x715.jpg)
ក្នុងកិច្ចប្រជុំនេះធ្វើឡើងនៅក្រុមប្រឹក្សាអភិវឌ្ឍន៍កម្ពុជា នាព្រឹកថ្ងៃចន្ទ ទី១២ ខែកុម្ភៈ ឆ្នាំ២០២៤ មានការចូលរួមពី ឯកឧត្តមរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តមរដ្ឋមន្ត្រីក្រសួងរ៉ែ និងថាមពល ឯកឧត្តមអគ្គលេខាធិការគណៈកម្មការវិនិយោគនៃក.អ.ក. ឯកឧត្តមរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ថ្នាក់ដឹកនាំ និងមន្ត្រីរាជការពីតំណាងក្រសួង-ស្ថាប័នពាក់ព័ន្ធជាច្រើនរូប។
![](https://cen.com.kh/wp-content/uploads/2024/02/photo_2024-02-12_20-37-30-2-1024x683.jpg)
កិច្ចប្រជុំពិភាក្សាលើការរៀបចំឯកសារទស្សនទានត្រៀមរៀបចំតំបន់សេដ្ឋកិច្ចពិសេសកម្ពុជា-ជប៉ុននាឱកាសនេះគឺអនុវត្តស្រមតាមគំនិតផ្តួចផ្តើមរបស់ សម្តេចមហាបវរធិបតីនាយករដ្ឋមន្ត្រី អំឡុងពេលដំណើរទស្សនកិច្ចនៅប្រទេសជប៉ុនកាលពីថ្ងៃទី១៥-១៩ ខែធ្នូ ឆ្នាំ២០២៣កន្លងទៅនេះ ក្នុងគោលបំណងដើម្បីជំរុញលើកទឹកចិត្តបណ្តាវិនិយោគិនជប៉ុន ឱ្យងាកមកវិនិយោគនៅកម្ពុជាបន្ថែមទៀត៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/02/photo_2024-02-12_20-37-29-2-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-29-3-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-30-3-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-30-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-31-2-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-31-3-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-31-4-1024x683.jpg)
![](https://cen.com.kh/wp-content/uploads/2024/02/photo_2024-02-12_20-37-31-1024x683.jpg)