ភ្នំពេញ៖ កាលពីល្ងាចថ្ងៃអង្គារ ទី៩ ខែមេសា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញចូលរួមជាអធិបតី ក្នុងវេទិកាធុរកិច្ចភាពជាដៃគូកម្ពុជា និងក្វាងដុង-ហុងកុង-ម៉ាកាវ ដែលមានវិនិយោគិនប្រមាណ ៧០ក្រុមហ៊ុនផ្សេងៗគ្នាចូលរួម។ កម្មវិធីនេះ ក៏មានការចូលរួមផងដែរពី ឯកឧត្តមរដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។
វេទិកាធុរកិច្ចនាឱកាសនេះត្រូវបានរៀបចំឡើងដោយសភាពាណិជ្ជកម្មចិន រួមសហការជាមួយសហភាពសហគ្រិនតំបន់ឈូងសមុទ្រពិសេស ក្វាងទុង-ហុងកុង-ម៉ាកាវ (GBA) ប្រារព្វឡើងក្នុងទីក្រុងភ្នំពេញ ដើម្បីបញ្ជ្រាបផ្សព្វផ្សាយសក្ដានុពលរបស់ប្រទេសកម្ពុជាទៅវិនិយោគិនប្រមាណ ៧០ក្រុមហ៊ុនផ្សេងៗគ្នា លើវិស័យជាច្រើន។
ក្នុងវេទិកាធុរកិច្ចភាពជាដៃគូកម្ពុជា និងក្វាងដុង-ហុងកុង-ម៉ាកាវ នេះ ឯកឧត្តមឧបនាយករដ្ឋមន្ត្រី បានអញ្ជើញចូលរួមជាអធិបតី ផ្ដល់សន្ទរកថាគន្លឹះអំពីសក្ដានុពលកម្ពុជាសម្រាប់ការវិនិយោគ និងបើកឱកាសជូនវិនិយោគិនអាចសាកសួរដោយផ្ទាល់នូវសំណួរនានាអំពីការវិនិយោគនៅកម្ពុជាផងដែរ។ នាឱកាសថ្លែងសុន្ទរកថាគន្លឹះ ឯកឧត្តមឧបនាយករដ្ឋមន្រ្តី បានសង្កត់ធ្ងន់អំពីហេតុផលជាច្រើន ដែលវិនិយោគិនគួរជ្រើសយកកម្ពុជា សម្រាប់ការបណ្ដាក់ទុនរបស់ខ្លួន ដោយផ្ដើមចេញពីកត្តាសុខសន្តិភាព ស្ថិរភាពនយោបាយ កំណើនសេដ្ឋកិច្ច ស្ថិរភាពម៉ាក្រូសេដ្ឋកិច្ច ធនធានមនុស្ស ហេដ្ឋារចនាសម្ព័ន្ធសង្គម, ច្បាប់វិនិយោគដែលមានភាពបើកចំហរជូនវិនិយោគិន, វេទិការដ្ឋាភិបាលនិងផ្នែកឯកជនសម្រាប់ដោះស្រាយបញ្ហាប្រឈមនានារបស់វិនិយោគិន, ស្ថានភាពទីផ្សាររបស់កម្ពុជាដែលភ្ជាប់ទៅកាន់ពិភពលោកតាមរយៈកិច្ចព្រមព្រៀងពាណិជ្ជកម្មជាច្រើនរួមមាន អាស៊ាន (AFTA) កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) និងប្រព័ន្ធអនុគ្រោះពន្ធEBAជាដើម៕រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/04/05c8225ddf29a39dbad494416544439a-1024x684.jpg)
![](https://cen.com.kh/wp-content/uploads/2024/04/666d05f96a14648dd4d61a69c791f745-1024x683.jpg)
![](https://cen.com.kh/wp-content/uploads/2024/04/7410364df0987a323737b72827498d0f-1024x796.jpg)
![](https://cen.com.kh/wp-content/uploads/2024/04/cc3f8927ca7426dae7fa5b621ec0d030-1024x683.jpg)
![](https://cen.com.kh/wp-content/uploads/2024/04/7e9ec658975dd7f6b093df7fb5f28572-1024x683.jpg)
![](https://cen.com.kh/wp-content/uploads/2024/04/0bcee4dbfb243943302629a808aaa323-1024x683.jpg)
![](https://cen.com.kh/wp-content/uploads/2024/04/463e3121733d45226556d5240d7e5a50-1024x683.jpg)
![](https://cen.com.kh/wp-content/uploads/2024/04/6aa398212d27cd7208987704e767fb7a-1024x683.jpg)
![](https://cen.com.kh/wp-content/uploads/2024/04/d697cc8777cb78e7fcb162a3a927537e-1024x683.jpg)
![](https://cen.com.kh/wp-content/uploads/2024/04/1bb8bbddd764c3f07618a100af120eb3-1024x683.jpg)
![](https://cen.com.kh/wp-content/uploads/2024/04/e89182d3af8bd277f04baf6a12ccf34d-1024x683.jpg)
![](https://cen.com.kh/wp-content/uploads/2024/04/07f08462606d5fb55898414190f3e50d-1024x683.jpg)
![](https://cen.com.kh/wp-content/uploads/2024/04/1ee4532dd90a204c4be25bb5aefed460-1024x683.jpg)