នេះជាខណៈពេលដ៏ល្អសើចវិញម្តង ដែលប៉ូលីសម្នាក់ត្រូវ «សន្លប់» ស្តូកស្តឹងមួយសន្ទុះធំ បន្ទាប់ពីរងការវាយប្រហារមួយជើងយ៉ាងដំណំ ពីសំណាក់បុរសម្នាក់ដែលត្រូវបានចាប់ខ្លួន ។
តាមរយៈវីដេអូបង្ហោះដោយ Liveleak បានបង្ហាញឲ្យឃើញបុរសជនល្មើសម្នាក់ ត្រូវបានចាប់ខ្លួនដោយប៉ូលីស២នាក់ ស្ថិតតំបន់មួយនៅក្នុងប្រទេសចិន ។ ប៉ុន្តែ ពិតជាគួរឲ្យសំណើចយ៉ាងខ្លាំង ព្រោះខណៈពេលកំពុងព្យាយាមដាក់ខ្នោះនៅនឹងបង្គោលភ្លើងមួយ ស្រាប់តែបុរសនេះលើកជើងធាក់ទៅលើប៉ូលីសម្នាក់១ជើងចំ…ពង បណ្តាលឲ្យចុកឆ្អល់ដួលគ្រឹបទៅនឹងដីសន្លប់ធំតែម្តង ។
ប៉ូលីសរងគ្រោះត្រូវបានដឹងថា បានសន្លប់មួយសន្ទុះធំ ខណៈជនសង្ស័យរូបនោះ ត្រូវបានគ្រប់គ្រងចាប់ផ្តួលទៅនឹងដីដោយប៉ូលីសម្នាក់ និងបុរសស៊ីវិលម្នាក់ដែលចូលរួមក្នុងប្រតិបត្តិការខ្លួននេះ ។
ទោះយ៉ាងណា ទាក់ទងនឹងការចាប់ខ្លួនបុរសរូបនេះ ពុំត្រូវបានគេបញ្ចេញឲ្យដឹងពីមូលហេតុនោះទេ ៕ ឧត្តម
