ភ្នំពេញ ៖ នៅព្រឹកថ្ងៃអង្គារ ទី១១ ខែមិថុនា ឆ្នាំ២០២៤ នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមថ្នាក់ដឹកនាំ មន្ត្រីបច្ចេកទេសក្រសួង និងមន្ទីរ បានអញ្ជើញដឹកនាំគណៈប្រតិភូក្រុមការងារព័ត៌មានរបស់ សម្តេចធិបតីនាយករដ្ឋមន្ត្រីនៃព្រះរាជាណាចក្រកម្ពុជាដឹកនាំដោយឯកឧត្ដម គួច វែងស្រ៊ុន ចុះពិនិត្យវឌ្ឍនភាពការងារសាងសង់សំណង់ស្ទាក់ទឹកស្ទឹងតូច និងស្ថានីយបូមទឹកសាក់សំពៅ នៃគម្រោងដោះទឹក និងពង្វាងទឹកជំនន់ចេញពីភូមិសាស្ត្ររាជធានីភ្នំពេញ និងការងារស្តារប្រឡាយព្រែកហូរ ក្នុងខេត្តកណ្តាល។
ឯកឧត្ដមរដ្ឋមន្ត្រី និងក្រុមការងារបានចុះពិនិត្យវឌ្ឍនភាពការងារសាងសង់សំណង់ស្ទាក់ទឹកស្ទឹងតូច ក្នុងខេត្តកំពង់ស្ពឺ ដែលមានកម្ពស់ ៨ម៉ែត្រ ទទឹងខាង ៥១ម៉ែត្រ និងមានទ្វារទឹកចំនួន៥ ទ្វារនីមួយៗមានទទឹង ៨,៥ម៉ែត្រ និងមានកម្ពស់ ៧,៥ម៉ែត្រ នៃអនុគម្រោងប្រព័ន្ធដោះទឹកស្ទឹងតូច។ អនុគម្រោងនេះរួមមាន ១)ស្តារស្ទឹងតូចប្រវែង ៥១គីឡូម៉ែត្រ ទំហំមាត់លើ ១០០ម៉ែត្រគិតទាំងខ្នងទំនប់សងខាង និងបាត ៤០ម៉ែត្រ និង ២)សាងសង់សំណង់សិល្បការ្យសរុប ៦៨កន្លែង ក្នុងនោះ លូគ្រប់ប្រភេទចំនួន ៥៤កន្លែង ជួសជុលស្ពានចំនួន ១៣កន្លែង និងសាងសង់ទ្វារទឹក ១កន្លែង។ ប្រព័ន្ធស្ទឹងតូចមានសក្តានុពលពង្វាងទឹកពីស្ទឹងព្រែកត្នោតក្នុងខេត្តកំពង់ស្ពឺបានប្រមាណ ៣០០ម៉ែត្រគូបក្នុង១វិនាទីទៅទន្លេបាទី ធ្លាក់ទៅទន្លេបាសាក់។ គិតមកដល់ពេលនេះវឌ្ឍនភាពការងារសម្រេចបានប្រមាណ ៧០%។
ជាមួយគ្នានេះ ឯកឧត្តមរដ្ឋមន្ត្រី និងក្រុមការងារបានចុះពិនិត្យការងារសាងសង់ស្ថានីយបូមទឹកសាក់សំពៅ ក្នុងភូមិសាស្ត្ររាជធានីភ្នំពេញ ដែលមានអគារកម្ពស់ ៨ម៉ែត្រ មានទទឹងខាង ២៧ម៉ែត្រ និងបណ្តោយទាំងថ្មការពារជើងទេរមុខក្រោយ ១៥០ម៉ែត្រ មានក្បាលបូម ៦គ្រឿង អាចបូមទឹកបាន ៣០ម៉ែត្រគូបក្នុង១វិនាទីនៃអនុគម្រោងប្រព័ន្ធប្រឡាយមេជើងឯក។
ក្នុងថ្ងៃដដែល ឯកឧត្តមរដ្ឋមន្ត្រី និងក្រុមការងារក៏បានចុះពិនិត្យវឌ្ឍនភាពការងារស្តារប្រឡាយព្រែកហូរ ប្រវែង ៧,២គីឡូម៉ែត្រ នៃគម្រោងប្រព័ន្ធស្រោចស្រព និងការពារទឹកជំនន់ស្ទឹងព្រែកត្នោត ក្នុងភូមិសាស្ត្រខេត្តកណ្តាល។ ប្រព័ន្ធនេះមានសក្តានុពលដោះទឹកចេញពីស្ទឹងព្រែកត្នោតត្រង់ចំណុចស្ពានព្រែកហូរ នៃភូមិព្រែកហូរលិច សង្កាត់ព្រែកហូរ ក្រុងតាខ្មៅបានប្រមាណ ៥១៥ ម៉ែត្រគូបក្នុង១វិនាទី ទៅតាមព្រែកយាយជា ២១៥ម៉ែត្រគូបក្នុង១វិនាទី ប្រឡាយភ្ជាប់លេខ៣ប្រមាណ ២០០ម៉ែត្រគូបក្នុង១វិនាទី និងព្រែកថី ប្រមាណ ១០០ម៉ែត្រគូបក្នុង១វិនាទី គិតមកដល់ពេលនេះវឌ្ឍនភាពគម្រោងសម្រេចបានប្រមាណ ៩៥%៕រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/06/e2e5f74d59499f7005d90a74daa8cdcf-1024x683.jpg)
![](https://cen.com.kh/wp-content/uploads/2024/06/de6fe9acead961819fab0f16265d6a70-1024x683.jpg)
![](https://cen.com.kh/wp-content/uploads/2024/06/c73ba98acf5ad4f042760f292925a6a9-1024x683.jpg)
![](https://cen.com.kh/wp-content/uploads/2024/06/9b9f0a6c5008bd69bfb8bf5d1ffd3efb-1024x683.jpg)
![](https://cen.com.kh/wp-content/uploads/2024/06/e4e8b743c7854a5fd49a995987b2d651-1024x683.jpg)
![](https://cen.com.kh/wp-content/uploads/2024/06/9ef4863937e286941cbdeaf614355380-1024x683.jpg)
![](https://cen.com.kh/wp-content/uploads/2024/06/087b60fd63d633275d6547810da4eda9-1024x683.jpg)
![](https://cen.com.kh/wp-content/uploads/2024/06/edfdde1b952d3c9383d04c4b4c9dfab5-1024x683.jpg)
![](https://cen.com.kh/wp-content/uploads/2024/06/11ad2d75dbe4f2b03bc95474de62eeed-1024x683.jpg)
![](https://cen.com.kh/wp-content/uploads/2024/06/07af97c74846a6d865bcf4ad0a1074b9-1024x683.jpg)
![](https://cen.com.kh/wp-content/uploads/2024/06/9980ae369f906a48d3e308f9d9acee65-1024x683.jpg)
![](https://cen.com.kh/wp-content/uploads/2024/06/c45b3152f0c559086d641caa5c86c083-1024x683.jpg)
![](https://cen.com.kh/wp-content/uploads/2024/06/5a6c59c4191029d5a4155c4dc8ee1ab8-1024x683.jpg)
![](https://cen.com.kh/wp-content/uploads/2024/06/afb528a14bad3e73885385879cb35e03-1024x683.jpg)
![](https://cen.com.kh/wp-content/uploads/2024/06/e2dd85757f111f10f5e7d9858ecae5ab-1024x683.jpg)
![](https://cen.com.kh/wp-content/uploads/2024/06/063485159d7338574b240ee5e2994ed8-1024x683.jpg)
![](https://cen.com.kh/wp-content/uploads/2024/06/bf584aa5723ef50b2e5301961c012fc9-1024x683.jpg)
![](https://cen.com.kh/wp-content/uploads/2024/06/8ca11efeb5db7609670fef5bad1ebb1a-1024x683.jpg)
![](https://cen.com.kh/wp-content/uploads/2024/06/65eab1fbee1e755c393b6095c1223408-1024x683.jpg)
![](https://cen.com.kh/wp-content/uploads/2024/06/9fa42c819a8547eb7eb0211fd1ea4d2e-1024x683.jpg)
![](https://cen.com.kh/wp-content/uploads/2024/06/f2f2b3fda570cebfc3410f5882e657d3-1024x683.jpg)
![](https://cen.com.kh/wp-content/uploads/2024/06/dcd8b0a9aa70e98765906d65a4663e55-1024x683.jpg)
![](https://cen.com.kh/wp-content/uploads/2024/06/0b1171a10ca454707fd7698025343832-1024x683.jpg)