ខេត្តព្រះសីហនុ ៖ មន្ត្រីកំពង់ផែស្វយត័ក្រុងព្រះសីហនុឲ្យដឹងថា នាវាដឹកកុងតឺន័រទី១ បានចូលចត នៅចំណតផែកុងតឺន័រ ប្រវែង ២៥៣ ម៉ែត្រ ដើម្បីប្រតិបត្តិការផ្ទេរ-ផ្ទុកកុងតឺន័រជាលើកដំបូង ក្រោយការសាងសង់។
នាព្រឹកថ្ងៃព្រហស្បតិ៍ ១៣ រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែកក្កដា ឆ្នាំ២០២៤ ចំណតផែកុងតឺន័រថ្មី ប្រវែង ២៥៣ ម៉ែត្រ (កែសម្រួលពីចំណតផែទំនិញទូទៅ) បានធ្វើប្រតិបត្តិការផ្ទេរ-ផ្ទុកកុងតឺន័រ ជាលើកដំបូង ជាមួយនឹងការចូលចតនៃ នាវាកុងតឺន័រ គិតចាប់តាំងពីពេលវេលាបញ្ចប់ការដ្ឋានសាងសង់កែសម្រួលមក។ ប្រតិបត្តិការផ្ទេរ-ផ្ទុកកុងតឺន័រ ជាលើកដំបូងនេះ បង្ហាញភាពពីរីកចម្រើន និងការអភិវឌ្ឍរបស់ កំពង់ផែស្វយត័ក្រុងព្រះសីហនុ៕ រក្សាសិទ្ធដោយ ៖ សុទ្ធលី
