ខ្យងនេះមានដើមកំណើតនៅឯ East Africa ហើយបានរាតត្បាតទៅតាមតំបន់ផ្សេងៗទៀត ក្នុងអំឡុងឆ្នាំ 1960។ ខ្យងប្រភេទនេះ គឺជាអម្បូរខ្យងរស់នៅលើដីដែលជាសប្បសត្វធំជាងគេលើលោក សំបករបស់វាអាចរីកបានដល់ទៅប្រវែង20cm វាមានរាងទ្រវែងស្ដួចចុង ហើយមានពណ៌បង្កង់រវាងត្នោតចាស់ឆ្លាស់នឹងពណ៌ពងមាន់ខ្ចី។
ខ្យងប្រភេទនេះវាអាចស៊ីរុក្ខជាតិបានដល់ទៅ 500 ប្រភេទខុសៗគ្នា នៅពេលអាយុបាន 6 ខែ វាអាចទម្លាក់ពងបាន 100 គ្រាប់ ក្នុងមួយខែក្នុងរយៈពេល 8 ទៅ 10 ឆ្នាំ និងក្នុងរយៈពេលពី 2 ទៅ 6 ខែដំបូងបន្ទាប់ពីញាស់រួចពួកវារស់នៅក្រោមដីរហូតទាល់តែសំបកវារឹងល្មមដែលអាចការពារខ្លួនវាបានទើបវាចេញមកខាងក្រៅ។
ពេលណាដែលកន្លែងដែលវានៅនោះពុំមានអាហាជាតិដែកគ្រប់គ្រាន់ដើម្បីវាបង្កើតសំបកពួកវានឹងស៊ីថ្នាំឡាន ឬស៊ីម៉ង់ត៍តាមជញ្ជាំងផ្ទះ។
ពពួកខ្យងនេះវាចូលចិត្តនៅកន្លែងសើមជាពិសេសពេលថ្ងៃក្ដៅវាចូលទៅនៅក្នុងបំពង់ទឹក ក្រហែងថ្ម ឬកន្លៀតណាដែលត្រជាក់ដើម្បីកុំអោយខ្លួនវាស្ងួតស្លាប់ ពួកវាចេញមកក្រៅតែពេលយប់ដើម្បីរកស៊ីហើយក៏ជាការចៀសវាងអំពីសត្វបក្សីចាប់ស៊ីផងដែរ។
នៅឯប្រទេសខ្លះដូចជាអាមេរិក និងអឺរ៉ុប ពួកវាត្រូវបានគេចិញ្ចឹមដូចជាសត្វចិញ្ចឹមផងដែរ៕ ដោយ: ក្ខិណី
