ថ្មីៗនេះ វីដេអូមួយដែលកំពុងត្រូវបានចែករំលែក បានបង្កការភ្ញាក់ផ្អើលយ៉ាងខ្លាំងនៅលើបណ្តាញសង្គម ខណៈក្នុងវីដេអូបានបង្ហាញបុរសជនជាតិចិនម្នាក់ មិនដឹងជាមានរឿងហេតុអ្វី? បានប្រដាប់ជាមួយកាំភ្លើងខ្លី រត់ចេញពីសណ្ឋាគារមកភ្ជង់បុរសម្នាក់ជាម្ចាស់រថយន្តព្រួស១គ្រឿង ឲ្យប្រគល់ឡានឆៅៗ ដើម្បីរូបគេបើករត់គេចខ្លួន ធ្វើឲ្យបងប្អូនប្រជាពលរដ្ឋនៅកន្លែងកើតហេតុ ភ័យស្លន់ស្លោរត់ចែកជើងគ្នា ទាំងព្រលឹងចុងសក់តែម្តង។
បើតាមប្រភពចែករំលែកវីដេអូហេតុការណ៍ដ៏ញាក់សាច់នេះ បានបញ្ជាក់ព័ត៌មានបឋមឲ្យដឹងថា ក្តៅៗ មានករណីជនជាតិចិនរត់ចេញពីសណ្ឋាគារណានហៃ ខណៈខ្លួនប្រឡាក់សុទ្ធតែឈាម និងព្រមទាំងកាន់កាំភ្លើង មកសម្លុតភ្ជង់ម្ចាស់ឡានម្នាក់ ដែលកំពុងឈត់ចតនៅលើចិញ្ចើមផ្លូវ ឲ្យចុះចេញ និងបង្ខំចិត្តរត់ចេញពីឡានរបស់ខ្លួនទាំងព្រលឹងចុងសក់ បង្កឲ្យមានការភ្ញាក់ផ្អើល កាលពីព្រឹកថ្ងៃទី២១ ខែកុម្ភៈ ឆ្នាំ២០២៥ នេះ
តែបន្ទាប់ពីមានការចែកចាយវីដេអូករណីបុរសជនជាតិចិន យកកាំភ្លើងភ្ជង់ប្លន់ម្ចាស់ឡាន ទាំងកណ្តាលថ្ងៃ បណ្តាលអោយរត់ចែកជើងគ្នាផ្អើលពេញដងផ្លូវ នៅម្តុំសណ្ឋាគាណានហៃ ខណៈមហាជនជាច្រើនក៏កំពុងងឿងឆ្ងល់តើថាជាករណីអ្វី? លោក ឃាង ភារម្យ អ្នកនាំពាក្យរងខេត្តព្រះសីហនុ បានប្រាប់អង្គភាពសារព័ត៌មានមួយ តាមបណ្តាញតេឡេក្រាម ឲ្យដឹងថា នេះជាករណីផ្ទុះអាវុធនៅក្រុងព្រះសីហនុ ដែលបង្កឡើងដោយក្រុមជនជាតិចិន។
ទោះជាយ៉ាងណា សមត្ថកិច្ចបានធ្វើការឃាត់ខ្លួនជនសង្ស័យជាជនជាតិចិននោះហើយ និងកំពុងធ្វើការសាកសួរ ដើម្បីស្រាវជ្រាវរកដើមហេតុពីករ
