ព្រំដែន ៖ ទាហានកម្ពុជា ២នាក់ ក្នុងចំណោម២០នាក់ ដែលថៃបានចាប់ខ្លួន ត្រូវបានបញ្ជូនត្រឡប់មកកម្ពុជាវិញ តាមច្រកអូរស្មាច់ ខេត្តឧត្តរមានជ័យ។ វីរកងទ័ពទាំង២នាក់ ត្រូវបានដឹកតាមរថយន្តសង្រ្គោះបន្ទាន់។
ទាហានខ្មែរពីររូប ដែលថៃបានបញ្ចូនមក គឹ១ អនុសេនីយត្រី អាង អឿង ៥៣ឆ្នាំ និង២ ពលបាលទោ ម៉ម វុឌ្ឍី អាយុ៣៧ឆ្នាំ។
ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន បានថ្លែងថា កងទ័ពខ្មែរពីររូបក្នុងស្ថានភាពមានរបួសក្នុងចំណោម ២០ រូបស្ថិតក្រោមការគ្រប់គ្រងរបស់ទ័ពថៃ ត្រូវបានបញ្ជូនមកកម្ពុជាវិញតាមច្រកព្រំដែនអូរស្មាច់ ខេត្តឧត្តរមានជ័យ និងបានកំពុងដឹកតាមរថយន្តសង្គ្រោះរបស់ពេទ្យ៕ រក្សាសិទ្ធដោយ៖សុទ្ធលី
