ភ្នំពេញ៖នារសៀលថ្ងៃទី១៧ធ្នូ ឆ្នាំ២០២៥ឯកឧត្តមឃួង ស្រេង អភិបាលនៃគណៈអភិ បាលរាជធានីភ្នំពេញអមដំណើរដោយអភិបាលរងរាជធានីនិងមន្ត្រីសាលារាជធានីភ្នំពេញនិងអាជ្ញាធរដែនដី បានអញ្ជើញទៅពិនិត្យមើលទីតាំង ទទួល អំណោយ សប្បុរសធម៌ ទីតាំងEat More នៅតំបន់អភិវឌ្ឍន៌បឹងកក់ ក្នុងសង្កាត់ស្រះចកខណ្ឌដូនពេញជាកន្លែងទទួលអំណោយពីសប្បុរសជនពីគ្រប់ទិសទីបន្ទាប់ពីទាហានសៀមឈ្លានពានបូរណៈភាពទឹកដីកម្ពុជា។
ខណៈឯកឧត្ដមអភិបាលចុះទៅពិនិត្យទីតាំងខាងលើម្ចាស់ទីតាំង ទទួល អំណោយ សប្បុរសធម៌ Eat More បឹងកក់ បានស្នើ សុំ រដ្ឋបាល រាជធានី ភ្នំពេញ សុំកិច្ចសហការ ឯកឧត្តមឃួង ស្រេង អភិបាលនៃគណៈអភិបាលរាជធានីភ្នំពេញសម្រេចបង្កើត ទីបញ្ជាការស្រាល មួយនៅក្បែរទីតាំងនោះដើម្បីការពារសន្តិសុខ សុវត្ថិភាពជូននិងរៀបចំ កន្លែង ផ្ញើ ម៉ូតូ ជូន អ្នក ស្ម័គ្រចិត្តមកចូលរួម រៀបចំវេចខ្ចប់ សម្ភារ ស្បៀង អាហារ សម្រាប់ ដឹកជូន បងប្អូន វីរៈ កងទ័ព ជួរមុខ កម្ពុជា និង បងប្អូន ប្រជាពលរដ្ឋ ជនភៀសសឹក ។
ឯកឧត្តមអភិបាលបានណែនាំឲ្យអាជ្ញាធរដែនដីពាក់ពន្ធ័ ត្រូវ ចូលរួមពង្រឹងសន្តិសុខសណ្តាប់ធ្នាប់នៅបរិវេណទីតាំងទទួលអំណោយនិងជួយសម្រួល ដល់ទីតាំងចតយានយន្តរបស់សប្បុរសជនតាមរយះការបង្កើតទីបញ្ជាការស្រាលមួយកន្លែងដើម្បីងាយស្រួលក្នុងការដោះស្រាយបញ្ហាផ្សេងៗ។ជាមួយគ្នានេះឯកឧត្តមអភិបាលក៏បានទទួលជួយរថយន្តដឹកជញ្ជូនសំភារះបរិក្ខាដែលទទួលបានពីសប្បុរសជនទៅសមរភូមិជួរមុខ។ដោយប្រកាន់ខ្ជាប់ពាក្យស្លាក៖ពួកយើងនៅទីនេះដើម្បីរៀបចំស្បៀងសំរាប់បងប្អូនភាសសឹក និងវីរៈកងទព័ក្នុងស្មារតីខ្មែរ ជួយខ្មែរតាមការអំពាវនាវរបស់សម្តេចមហាបវរធិបតីហ៊ុន ម៉ាណែត ជានាយករដ្ឋមន្ត្រី។ដោយចាប់ទទួលអំណោយពីម៉ោង៧ព្រឹកដល់ម៉ោង១១យប់ជារៀងរាល់ថ្ងៃ ។
ឯកឧត្តមឃួង ស្រេង មានប្រសាសន៏លើកទឹកចិត្តដល់ក្រុមយុវជនស្មគ្រ័ចិត្ត និងថ្លែងអំណរគុណយ៉ាងជ្រាលជ្រៅដល់ បងប្អូនសប្បុរសជនទាំងអស់ ដែលបានបរិច្ចាកធនធានផ្ទាល់ខ្លួនរួមចំណែកជួយ ឧបត្ថម្ភដល់វីរៈកងទ័ពនៅសមរភូមិជួរមុខការពារទឹកដីពីសត្រូវឈ្លានពាន និងបងប្អូនភាសសឹក។
ទីតាំទទួលអំណោយសប្បុរសជនEat More នៅតំបន់អភិវឌ្ឍន៌បឹងកក់ មានរោងដាក់ជាស្តង់ប្រកកៅស៊ូជាច្រើនរៀបទៅតាមផ្នែកនិមួយៗចាំទទួលអំណោយពីសប្បុរសជនដែលបាននាំយកអំណោយជាស្បៀងអាហារ, គ្រឿងឧបភោគ.បរិភោគ,បន្លែ ផ្លែឈើ អង្ករ មី ទឹកសុទ្ធ ថ្នាំពេទ្យនិងសំភារៈប្រើ ប្រាស់ជាជាច្រើនមុខទៀត។ក្រុមយុវជនស្មគ្រ័ចិត្តជាច្រើនក្រុមបានចូលរួមវេចខ្ចប់សំភារៈដើម្បីរៀបចំបញ្ជូនទៅសមរភូមិជូនវិរៈកងទ័ពជួរមុខ និងបងប្អូនជនភាសសឹកមកកាន់ទីតាំងមានសុវត្ថិភាព។
គិតពីពេលដែលចោរសៀមឈ្លានពានមកដល់ពេលនេះ ក្រុមយុវជនស្មគ្រ័ ចិត្តប្រមូលបានទាំងថវិកានឹងសំភារៈផ្សេងៗជិត៣ពាន់តោនមានចំនួន១៧៧កុងថេនណ័របានដឹកជញ្ជូនទៅជូនកងទព័ជួរមុខ និងជនភៀសសឹកនៅតាមបណ្ដាខេត្តរួចហើយ៕ រក្សាសិទ្ធដោយ៖សុទ្ធលី
