ក្រសួងមហាផ្ទៃ : កម្ពុជានឹងមិនធ្វើសម្បទាននូវអធិបតេយ្យ ឬសេចក្ដីថ្លៃថ្នូររបស់ខ្លួនឡើយ

ភ្នំពេញ: ក្រសួងមហាផ្ទៃ នៃរាជរដ្ឋាភិបាលកម្ពុជា គោរព និងគាំទ្រពេញទំហឹង ការបញ្ជាក់ច្បាស់ៗរបស់ សម្ដេច អគ្គមហាសនាបតីតេជោ ហ៊ុន សែន ថា កម្ពុជានឹងមិនធ្វើសម្បទាននូវអធិបតេយ្យ ឬសេចក្ដីថ្លៃថ្នូររបស់ខ្លួនឡើយ។

ក្រសួងមហាផ្ទៃ សូមប្រកាសគាំទ្រការតវ៉ាជាថ្មីរបស់រាជរដ្ឋាភិបាល ប្រឆាំងនឹងសកម្មភាពកងកម្លាំង ប្រដាប់អាវុធថៃ ដែលបានធ្វើឱ្យខូចខាតដល់កិច្ចខិតខំប្រឹងប្រែងបន្ថយភាពតានតឹង ជាពិសេសការដាក់តម្កល់ រូបសំណាកព្រះពុទ្ធបដិមា នៅលើទីតាំងរូបសំណាកបដិមាព្រះវិស្ណុនៅតំបន់អានសេះ ខេត្តព្រះវិហារ ការដាក់រាយ កុងតឺន័របិទផ្លូវ និងការសាងសង់លេណដ្ឋានដោយប្រើប្រាស់គ្រឿងចក្រធុនធ្ងន់នៅតំបន់បឹងត្រកួន ខេត្តបន្ទាយមានជ័យ។ យើងទទូច នឹងលើកទឹកចិត្តជាថ្មីទៀតដល់ភាគីថៃ អនុវត្តដោយស្មោះត្រង់ តាមសេចក្តីប្រកាសរួម នៃកិច្ចប្រជុំពិសេស លើកទី៣ គណៈកម្មាធិការព្រំដែនទូទៅ (GBC) ចុះថ្ងៃទី២៧ ខែធ្នូ ឆ្នាំ២០២៥ និងកិច្ចព្រមព្រៀងទាំងឡាយ ដោយ ប្រកាន់ខ្ជាប់គោលការណ៍ច្បាប់អន្តរជាតិ ដែលភាគីថៃក៏ដឹងដែរថា ព្រំដែនមិនត្រូវបានកែប្រែដោយប្រើកម្លាំងនោះឡើយ។

ក្រសួងមហាផ្ទៃនៃរាជរដ្ឋភិបាលកម្ពុជា នៅថ្ងៃទី២៤ ខែមករា ឆ្នាំ២០២៦ បានចេញសេចក្តីប្រកាសព័ត៍មានស្ដីពី ស្ថានភាពក្រោយបទឈប់បាញ់ គិតពីម៉ោង៦ព្រឹក ថ្ងៃទី២៣ ដល់ម៉ោង៦ព្រឹក ថ្ងៃទី២៤ ខែមករា ឆ្នាំ២០២៦។

ក្រសួងមហាផ្ទៃ នៃរាជរដ្ឋាភិបាលកម្ពុជា សូមជម្រាបជូនសាធារណជនជាតិ និងអន្ដរជាតិជ្រាបថា សកម្មភាព រំលោភបំពានរបស់ភាគីថ មកលើដែនអធិបតេយ្យ និងបូរណភាពទឹកដីកម្ពុជា បណ្តាលឱ្យមានផលប៉ះពាល់ និងការ ខូចខាតក្នុងខេត្តចំនួន៧ រួមមាន ខេត្តព្រះវិហារ ឧត្តរមានជ័យ បន្ទាយមានជ័យ បាត់ដំបង ពោធិ៍សាត់ កោះកុង និង ខេត្តសៀមរាប។ បើគិតពីម៉ោង៦ព្រឹក ថ្ងៃទី២៣ ដល់ម៉ោង៦ព្រឹក ថ្ងៃទី២៤ ខែមករា ឆ្នាំ២០២៦នេះ បច្ចុប្បន្នភាពន ស្ថានការណ៍រួម មានជាអាទិ៍៖
១-ស្ថានភាពពលរដ្ឋភៀសសឹក៖ មានពលរដ្ឋភៀសសឹក១.២៥៥នាក់បន្ថែមទៀត បានបន្តវិលត្រឡប់ទៅ លំនៅឋានវិញ។ ដូច្នេះ ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ មានប្រមាណ៥សែន៣ម៉ឺននាក់ ឬស្មើ នឹង៨២% បានវិលត្រឡប់ទៅលំនៅឋានវិញ។ ពលរដ្ឋភៀសសឹកបន្តស្នាក់នៅជំរំមានចំនួន១១៦.៧៧៩នាក់ ក្នុង នោះស្ត្រីមាន៦១.៤៥៥នាក់ និងកុមារ៣៨.២៣០នាក់។
២-ការបើកឡើងវិញ និងការបន្តបិទផ្អាកសវាសាធារណៈជាមូលដ្ឋាន៖ ខេត្តឧត្តរមានជ័យ មានសាលារៀន ២៤២ មន្ទីរពេទ្យ/មណ្ឌលសុខភាព៣៤ រដ្ឋបាលខេត្ត១ មន្ទីរអង្គភាពជុំវិញខេត្ត៣៣ រដ្ឋបាលស្រុក៥ អង្គភាពកងកម្លាំង មានសមត្ថកិច្ចថ្នាក់ក្រុង ស្រុក១០ រដ្ឋបាលឃុំសង្កាត់២៤ និងប៉ុស្តិ៍នគរបាលរដ្ឋបាល២៤ បានបើកដំណើរការវិញ ខណៈ សាលារៀន១៨ និងមន្ទីរពេទ្យមណ្ឌលសុខភាព៧ បន្តបិទផ្អាក។ ខេត្តបន្ទាយមានជ័យ អង្គភាពផ្តល់សេវាសាធារណៈថា្នក់ ខេត្ត ក្រុង ស្រុក និងឃុំ-សង្កាត់ បានបើកដំណើរការវិញ ខណៈសាលារៀន៥ និងមន្ទីរពេទ្យ/មណ្ឌលសុខភាព១ បន្តបិទ ផ្អាក។ ខេត្តព្រះវិហារ មានសាលារៀន៣២ មន្ទីរពេទ្យ/មណ្ឌលសុខភាព១២ និងអង្គភាពផ្តល់សេវាសាធារណៈថ្នាក់ស្រុក១ និងឃុំ-សង្កាត់៦ បានបើកដំណើរការវិញ ខណៈសាលារៀន២៩ និងមន្ទីរពេទ្យមណ្ឌលសុខភាព១៤ នៅបន្តបិទផ្អាក។
៣-ផលប៉ះពាល់ និងការខូចខាតហេដ្ឋារចនាសម្ព័ន្ធរូបវន្តស៊ីវិល៖ ពុំទាន់ទទួលបាន។ ដូច្នេះ បើគិតចាប់ពីថ្ងៃទី៧ ខែធ្នូ ឆ្នាំ២០២៥មក ការខូចខាតទ្រព្យសម្បត្តិឯកជន សរុប រួមមាន ផ្ទះ៩៨០ខ្នង អគារស៊ីវិលឯកជន៧ អគារស្នាក់នៅ/ សណ្ឋាគារ១០ ស្ថានីយប្រេង៤ ផ្សារឯកជន១ រថយន្ត៣៤គ្រឿង ម៉ូតូ១០គ្រឿង លានទិញដំឡូង១ អគារឃ្លាំងទំនិញ១ បង្គោលអង់តែនទូរសព្ទ៣ អាងទឹកនិងប្រព័ន្ធទឹកស្អាត៦កន្លែង ជង្រុកស្រូវ១ និងសត្វពាហនៈ/សត្វព្រៃ២ក្បាល។ ការខូចខាតទ្រព្យសម្បត្តិសាធារណៈ សរុប រួមមាន សាលារៀន២៦ មន្ទីរពេទ្យ/មណ្ឌលសុខភាព១៤ សំណង់អគារ៤២ វត្តអារាម១៩ សាលាឆទាន១ រូបសំណាក២ រថយន្ត១គ្រឿង ប្រាសាទបុរាណ៤ ស្ពាន៥ ផ្សារ១ ផ្លូវ៨៧ ប្រព័ន្ធផ្គត់ផ្គង់ អគ្គិសនី១ទីតាំង និងបណ្តាញបញ្ជូនអគ្គិសនី៣កន្លែង ខណៈអាជ្ញាធរមូលដ្ឋានបន្តស្រង់ទិន្នន័យផលប៉ះពាល់បន្ថែម។
៤-វិធានការរបស់រដ្ឋបាលខេត្ត និងកិច្ចអន្តរាគមន៍ជួយពលរដ្ឋ៖ បន្តយកចិត្តទុកដាក់គ្រប់គ្រងប្រជាពលរដ្ឋ ភៀសសឹកនៅទីជម្រកសុវត្ថិភាព ដោយបែងចែកស្បៀងអាហារ តង់ រៀបចំជម្រកស្នាក់នៅ ទឹកស្អាត អគ្គិសនី សេវា សុខាភិបាល បង្គន់អនាម័យ សម្ភារប្រើប្រាស់ចាំបាច់ ព្រមទាំងពង្រឹងការគ្រប់គ្រងរដ្ឋបាល និងថែរក្សាការពារសន្តិសុខ សណ្តាប់ធ្នាប់។ ជាមួយគ្នានេះ បន្តយកចិត្តទុកដាក់គ្រប់គ្រងសភាពការណ៍ទូទៅក្នុងខេត្តនិងពង្រឹងការពារសន្តិសុខ សណ្ដាប់ធ្នាប់សាធារណៈ ស្រង់ស្ថិតិ ពិនិត្យនិងដោះស្រាយបញ្ហាប៉ះពាល់ដែលកើតមានឡើង សម្របសម្រួលជួយគាំទ្រដល់ការវិលត្រឡប់ទៅកាន់លំនៅឋានវិញរបស់ប្រជាពលរដ្ឋ និងទទួលជំនួយសប្បុរសធម៌សម្រាប់ជនភៀសសឹក។ ជារួម ក្រសួងមហាផ្ទៃ នៃរាជរដ្ឋាភិបាលកម្ពុជា បាននិងកំពុងយកចិត្តទុកដាក់ និងតាមដានសភាពការណ៍វិវត្តន៍នៅ សមរភូមិមុខជាប់ជាប្រចាំ និងប្រកៀកស្មាជាមួយកងយោធពលខេមរភូមិន្ទ ដើម្បីការពារអធិបតេយ្យ និងបូរណភាព ទឹកដីស្របច្បាប់។ ជាមួយគ្នានេះ ក្នុងដែនសមត្ថកិច្ចរបស់ខ្លួន ក្រសួង បានកំពុងបន្តតាមដាន និងគាំទ្រដល់ការរៀបចំ

បើកដំណើរការឡើងវិញនូវការផ្តល់សេវាសាធារណៈនានានៅតំបន់ព្រំដែនកម្ពុជា-ថៃ ដូចជា សាលាក្រុង ស្រុក ឃុំ- សង្កាត់ អធិការដ្ឋាននគរបាលក្រុង ស្រុក ប៉ុស្តិ៍នគរបាលរដ្ឋបាលឃុំ-សង្កាត់ សាលារៀន មន្ទីរពេទ្យ មណ្ឌលសុខភាព។ល។ ក្រសួងមហាផ្ទៃ នៃរាជរដ្ឋាភិបាលកម្ពុជា គោរព និងគាំទ្រពេញទំហឹង ការបញ្ជាក់ច្បាស់ៗរបស់ សម្ដេច អគ្គមហាសនាបតីតេជោ ហ៊ុន សែន ថា កម្ពុជានឹងមិនធ្វើសម្បទាននូវអធិបតេយ្យ ឬសេចក្ដីថ្លៃថ្នូររបស់ខ្លួនឡើយ។ ក្នុងន័យនេះ ក្រសួងមហាផ្ទៃ សូមប្រកាសគាំទ្រការតវ៉ាជាថ្មីរបស់រាជរដ្ឋាភិបាល ប្រឆាំងនឹងសកម្មភាពកងកម្លាំង ប្រដាប់អាវុធថៃ ដែលបានធ្វើឱ្យខូចខាតដល់កិច្ចខិតខំប្រឹងប្រែងបន្ថយភាពតានតឹង ជាពិសេសការដាក់តម្កល់ រូបសំណាកព្រះពុទ្ធបដិមា នៅលើទីតាំងរូបសំណាកបដិមាព្រះវិស្ណុនៅតំបន់អានសេះ ខេត្តព្រះវិហារ ការដាក់រាយ កុងតឺន័របិទផ្លូវ និងការសាងសង់លេណដ្ឋានដោយប្រើប្រាស់គ្រឿងចក្រធុនធ្ងន់នៅតំបន់បឹងត្រកួន ខេត្តបន្ទាយមានជ័យ។ យើងទទូច នឹងលើកទឹកចិត្តជាថ្មីទៀតដល់ភាគីថៃ អនុវត្តដោយស្មោះត្រង់ តាមសេចក្តីប្រកាសរួម នៃកិច្ចប្រជុំពិសេស លើកទី៣ គណៈកម្មាធិការព្រំដែនទូទៅ (GBC) ចុះថ្ងៃទី២៧ ខែធ្នូ ឆ្នាំ២០២៥ និងកិច្ចព្រមព្រៀងទាំងឡាយ ដោយ ប្រកាន់ខ្ជាប់គោលការណ៍ច្បាប់អន្តរជាតិ ដែលភាគីថៃក៏ដឹងដែរថា ព្រំដែនមិនត្រូវបានកែប្រែដោយប្រើកម្លាំងនោះឡើយ។
ក្រសួងមហាផ្ទៃ នៃរាជរដ្ឋាភិបាលកម្ពុជា ជឿជាក់យ៉ាងស្មោះស្ម័គ្របំផុតចំពោះយុទ្ធសាស្ត្រការពារជាតិ និង នយោបាយការទូត ស្របតាមរដ្ឋធម្មនុញ្ញ និងធម្មនុញ្ញអង្គការសហប្រជាជាតិ ជាពិសេសយុទ្ធសាស្ត្រ «ស្ងាត់តែមិន ស្ងៀម» ដែលរាជរដ្ឋាភិបាលបានកំពុងអនុវត្តដើម្បីធានាបានសន្តិភាពយូរអង្វែង ការពារអធិបតេយ្យជាតិ និងបូរណភាពទឹក ដីស្របច្បាប់។ ការរួមចំណែកដ៏សំខាន់បំផុតរបស់ជនរួមជាតិនាពេលនេះ សម្តេចមហាបវរធិបតី ប៊ុន ម៉ាណែត បានមានប្រសាសន៍សង្កត់ធ្ងន់ហើយថា«គន្លឹះសំខាន់របស់ជាតិយើងនាពេលនេះ គឺយើងត្រូវប្រែក្លាយការលំបាករបស់ ជាតិ និងការប្ដេជ្ញាចិត្តដ៏មោះមុតរបស់ខ្មែរគ្រប់រូប ឱ្យក្លាយទៅជាកម្លាំងតស៊ូដ៏រឹងមាំរបស់ជាតិ និងគោលដៅដ៏ពិសិដ្ឋ របស់ជាតិ ពោលគឺការរួមសាមគ្គីភាពគ្នាជាធ្លុងមួយ ដើម្បីការពារជាតិមាតុភូមិជាទីស្រឡាញ់របស់យើង និងធ្វើឱ្យជាតិ ខ្មែរយើងបានរឹងមាំ ស្របតាមបំណងប្រាថ្នាដ៏ពិសិដ្ឋរបស់ខ្មែរគ្រប់រូប។ ជាមួយគ្នានេះ និងចំពោះមុខនេះ យើងមាន ភាពចាំបាច់ ក្នុងការរួបរួមសាមគ្គីគ្នាជាធ្លុងមួយជាមួយនឹងការប្ដេជ្ញាចិត្តរួមរបស់ជាតិ ដើម្បីពង្រឹងសក្តានុពលជាតិលើ គ្រប់វិស័យ និងលុបបំបាត់ភាពអសកម្មទាំងឡាយក្នុងសង្គមជាតិ ដែលធ្វើឱ្យជាតិចុះខ្សោយ»។
ដូច្នេះ ក្នុងកាលៈទេសៈដ៏សំខាន់បំផុតនេះ ក្រសួងមហាផ្ទៃ នៃរាជរដ្ឋាភិបាលកម្ពុជា សូមអំពាវនាវជនរួមជាតិ បន្តស្មារតីរួបរួមសាមគ្គីជាធ្លុងមួយ ដោយឈរលើព្រលឹងជាតិខ្មែរតែមួយតរៀងទៅ ចៀសវាងចាញ់ឧបាយកល នយោបាយក្រុមប្រឆាំងជ្រុលនិយម ដែលបានកំពុងបង្កើតព័ត៌មានក្លែងក្លាយ បំបែកបំបាក់សាមគ្គីជាតិ ធ្វើឱ្យប៉ះពាល់ ដល់ឧត្តមប្រយោជន៍ជាតិជាធំ៕រក្សាសិទ្ធដោយ៖សុទ្ធលី