Tuesday, August 16, 2022

កែវភ្នែក​ដង្ហោយហៅ​ក្តី​មេត្តា​របស់​ឆ្កែ​មួយ​ក្បាល ត្រូវ​ម្ចាស់​ជះ​ទឹក​បង្ក​កវា​ក្លាយ​ជា​ដុំ​ទឹកកក ខណៈពេល​ដែល​សីតុណ្ហភាព​ត្រជាក់​ដល់​ទៅ -32 អង្សា​C

spot_img

សុនក ដែល​ស្មោះត្រង់​នឹង​ម្ចាស់​បាន​ត្រូវ​ម្ចាស់​ជះ​ទឹក​ពី​លើ​រាងកាយ ហើយ​ទុក​ឲ្យនៅ​ក្រៅផ្ទះ ខណៈពេល​សីតុណ្ហភាព​ត្រជាក់​ដល់​ទៅ -32 អង្សា​C

​ពេល​ក្រុម​សង្គ្រោះ​ទៅដល់​សុនក​នេះ​ស្ថិតក្នុង​ស្ថានភាព​លើកជើង​ខាងមុខ​ម្ខាង​ឡើង ហាក់ដូចជា​សុំ​ជំនួយ គ្រា​ដែល​ខ្លួនប្រាណ​របស់​វា​បាន​ក្លាយ​ជា​ដុំ​ទឹកកក​នៅក្បែរ​ផ្លូវ​មួយ​នៅ Yakutsk ប្រទេស​រុស្ស៊ី ។​

សុនក​ពណ៌​ស​នេះ​បើកភ្នែក​ធំៗ​បង្កប់​នូវ​ការភ័យខ្លាច​យ៉ាងខ្លាំង និង​ប៉ងប្រាថ្នា​ឲ្យគេ​ជួយសង្ក្រោះ ព្រោះ​ខ្លួន​វា​ជាប់គាំង​នៅក្នុង​ដុំ​ទឹកកក​។​

​ក្រុម​សង្គ្រោះ​បាន​បំបែក​ដុំ​ទឹកកក​ចេញ ហើយ​បញ្ជូន​វា​ទៅ​មន្ទីរពេទ្យ​សត្វ សោកស្តាយ​ណាស់​ដែល​អ្វីៗ​បាន​ហួសពេល សុនក​មួយ​ក្បាល​នេះ​លែង​មាន​ដង្ហើម​ហើយ​។​

​អ្នកស័គ្រចិត្ត​ជួយសង្គ្រោះ​ម្នាក់​និយាយថា “​ខ្ញុំ​នឹង​គ្មាន​ពេល​ណា​នឹង​អាច​បំភ្លេច​បាន​នូវ​កែវភ្នែក​របស់​វា​។ វា​ហាក់ដូចជា​យល់ដឹង​ពីអ្វីៗ​កំពុង​ប្រព្រឹត្តទៅ​យ៉ាងណា ហើយ​ប្រឹង​ស្ទុះ​ចេញ​ពី​ចង្កូម​មច្ចុរាជ​”​។​

​ក្រោយពី​រឿងរ៉ាវ​បាន​ទម្លាយ​ចេញ​តាម​បណ្តាញ​សង្គម​អ្នក​ស្រឡាញ់​សត្វ​បាន​ប្រមូល​ហេត្ថលេខា​ពី​មនុស្ស​១​ម៉ឺន​នាក់ ដើម្បី​ដាក់​ញ្ញតិ​ទៅ​កាន់តំណាងរាស្ត្រ Sergey Boyarsky នៅ​មូ​ស្គូ ដោយ​សំណូមពរ​ឲ្យ​គាត់​អន្តរាគមន៍​កាត់ទោស​ម្ចាស់​ឆ្កែ​ដ៏​ឃោរឃៅ​ម្នាក់​នោះ​៕ ដោយ ៖ សូ​យ​ន​