«បុរសរូងភ្នំ» ដែលកំពុងទទួលការចាប់អារម្មណ៍យ៉ាងខ្លាំង នៅក្នុងប្រទេសថៃ បានកំពុងក្លាយជាប្រធានបទនៃការស៊ើបអង្កេតរបស់ប៉ូលីសក្នុងតំបន់ហើយ បន្ទាប់ពីរូបភាពលេចធ្លាយនៅលើបណ្តាញសង្គម បង្ហាញបុរសរូបនេះត្រូវបានគេសង្ស័យបានកំពុង «កេងប្រវ័ញ្ច…» ជាមួយស្ត្រីទេសចរលោកខាងលិចជាច្រើននាក់ ។
មុនទទួលការចាប់អារម្មណ៍នៅលើអ៊ិនធើរណែត Chatupoom Losiri អាយុ ៤៨ ឆ្នាំ គ្រាន់តែជាបុគ្គលលេងអ៊ីនធើរណែតដ៏សាមញ្ញាម្នាក់ប៉ុណ្ណោះ ដែលត្រូវបានគេស្គាល់កំពុងរស់នៅក្នុងរូងភ្នំមួយនៅកោះ Full Moon Party នៃស្រុក Koh Phangan ប្រទេសថៃ ។
Losiri បានចាប់ផ្តើមធ្វើឲ្យគេកាន់តែចាប់អារម្មណ៍ នៅពេលរូបគាត់បានអះអាងថា រូបគាត់បានធ្វើឲ្យស្ត្រីជនជាតិរុស្ស៊ីម្នាក់ចូលចិត្តគាត់ ប៉ុន្តែ គាត់បន្ទាប់មក ស្រាប់តែឃើញផុសរូបថតបង្ហាញស្ត្រីផ្សេងៗគ្នា ដេកអាក្រាតកាយនៅលើគ្រែរបស់គាត់ នៅថ្ងៃបន្ទាប់មក ។
យ៉ាងណាមិញ បណ្តារូបថតថ្មីៗនេះរបស់គាត់ ដែលក្នុងនោះគាត់រៀបរាប់អំពីវិធីដែលគាត់អាច «អន្ទង» ស្ត្រីជនជាតិរុស្ស៊ីវ័យក្មេងម្នាក់ឲ្យទៅកាន់ផ្ទះរបស់គាត់ ត្រូវបានគេរាយការណ៍ឲ្យដឹងថា បានទទួលការចាប់អារម្មណ៍ពីអាជ្ញាធរក្នុងតំបន់ហើយ ។
គាត់បានសរសេរថា៖ «ថ្ងៃនេះ ខណៈខ្ញុំកំពុងជិះម៉ូតូវិលត្រឡប់ទៅកាន់រូងវិញ ខ្ញុំបានប្រទះឃើញស្ត្រីជនជាតិបរទេសមានរូបឆោងដ៏ស្រស់ស្អាតម្នាក់ ចេញពីចិញ្ចើមផ្លូវម្ខាងទៀត» ។
បុរសរូបនេះនៅបានសរសេរនៅក្នុងផុសឲ្យដឹងទៀតថា៖ «ខ្ញុំបាននិយាយទៅកាន់នាងថា អ្នកនាងបានបង្អាក់ខ្ញុំហើយ ។ ខ្ញុំកំពុងធ្វើដំណើរវិលត្រឡប់ទៅផ្ទះ ប៉ុន្តែ ដោយសារតែរូបសម្រស់របស់អ្នកនាង ហេតុនេះ ខ្ញុំត្រូវប្តូរចិត្តរបស់ខ្ញុំតែម្តង ។ ខ្ញុំពិតជាចង់និយាយជាមួយអ្នកនាងខ្លាំងណាស់ ដើម្បីចង់ដឹងថាអ្នកនាងមិនត្រឹមស្រស់ស្អាតតែខាងក្រៅប៉ុណ្ណោះទេ តែក៏ល្អទាំងចិត្តគំនិត ឬយ៉ាងណាដែរទៅ!!» ។
ភ្លាមៗបន្ទាប់ពីបានឃើញបែបនេះ ប៉ូលីសថៃក៏បានចាប់ផ្តើមបើកការស៊ើបអង្កេត ដើម្បីចង់ដឹងថា តើគាត់កំពុងរក្សានូវអ្វីៗគួរឲ្យសង្ស័យ ឬ មានប្រព្រឹត្តអំពើខុសច្បាប់ណាមួយ ជាមួយស្ត្រីបរទេស ។
ក្រុមអ្នកស៊ើបអង្កេត ក្រោយមក បានបញ្ជាក់យ៉ាងច្បាស់ថា បុរសរូបនេះពុំបានរំលោភបំពានច្បាប់ណាមួយនោះទេ ហើយបានកត់សម្គាល់ថា ពុំមាននរណាម្នាក់កំពុងដាក់ពាក្យប្តឹងប្រឆាំងនឹងរូបគាត់នោះដែរ ។ ទោះយ៉ាងណា ពួកគេបានកត់សម្គាល់ថា ករណីនេះវានៅតែ «មិនជាក់លាក់ និងប្រឈមនឹងហានិភ័យកើតឡើង» សម្រាប់ស្ត្រីទាំងនោះ ចូលទៅក្នុងរូងភ្នំ ។
យោងតាម The Sun ស្រុក Koh Phangan បានធ្វើការស៊ើបអង្កេតមួយ ទៅនឹងម្ចាស់ដីនោះ ដើម្បីពិនិត្យថាតើគាត់នៅតែអនុញ្ញាតឲ្យ Losiri បន្តរស់នៅក្នុងតំបន់នេះទៀត ឬ ស្នើឲ្យគាត់ចាកចេញពីទីនោះ ។
លោក Kairik Kraisong ស្នងការនគរបាលស្រុក Koh Phangan ត្រូវបានដកស្រង់សម្តីដោយនិយាយថា៖ «ពុំមានពាក្យបណ្តឹងណាមួយ ត្រូវបានធ្វើឡើងនោះទេ ។ ប្រសិនបើមាន នោះខាងមន្ត្រីយើងខ្ញុំនឹងចាត់វិធានការតាមផ្លូវច្បាប់ប្រឆាំងបុរសនេះហើយ» ៕
ដោយ៖ ឧត្តម
ប្រភព៖ nextshark
