“អ្នកមាន” ម្នាក់នេះ បានបង្ហាញវត្តមាននៅ ហាងលក់ទូរស័ព្ទទំនើបមួយ ហើយក្រសែភ្នែកមនុស្សក្បែរៗនោះ បានបាញ់ឆ្ពោះតម្រង់គាត់ ព្រោះតែខ្សែកមាសរបស់គាត់ គាត់មានទំហំប៉ុនស្រវ៉ាក់ ទាក់កឆ្កែឯណោះ អ្នកបង្ហោះរូបភាពនេះពោល ។
នៅមិនទាន់អស់ទេណា៎! ដៃឆ្វេងរបស់គាត់នៅមានពាក់នាឡិកាធ្វើពីមាសសុទ្ធ ហើយថែមទាំងផ្លាកដៃមួយទៀត ។ ក្រឡេកមើលខាងស្តាំក៏មានកងមាស អមដោយចិញ្ចៀនមាស២ មិនតូចប៉ុន្មាននៅលើម្រាមដៃ ។
សេដ្ឋីរូបនេះត្រូវបានគេពឹងពាក់ Google រកឃើញភ្លាមៗ គាត់មានឈ្មោះ T.N.P ហើយទម្ងន់មាសសរុប លើខ្លួនប្រាណគាត់គឺ ៨ Kg ។ មុខរបររបស់គាត់គឺបើកហាងខារ៉ាអូខេ ។
ប្រព័ន្ធសង្គមវៀតណាម ហាក់ពុំបានសម្តែងការស្ងើចសរសើរពីភាពមានបានរបស់គាត់ទេ ។ ផ្ទុយទៅវិញច្រើនបំផុតនោះគឺបានត្រឹមអាណិតខ្លាចគាត់ក្លាយជាជនរងគ្រោះព្រោះដោយសារគ្រឿងអលង្ការទាំងនោះ។
ក្រុមអ្នក “ស្រាវជ្រាវ” បណ្តាញសង្គមនៅបានរុករកឃើញថា បុរសនេះធ្លាប់ត្រូវបានយុវជន ៣នាក់ មកច្រៀងខារ៉ាអូខេ ផឹកស៊ី ពីម៉ោង១យប់ ថ្ងៃទី ១៧ ខែវិច្ឆិកា ឆ្នាំ ២០១៧ ដល់ម៉ោង ៣និង២០នាទី ទៀបភ្លឺ ថ្ងៃដដែល វាយឲ្យរងរបួសជាទម្ងន់ ក្នុងជម្លោះមួយ តែពុំមែនប្លន់អលង្ការនោះទេ ។
គេថាប្រហែលជាបុរស T.N.P នេះ ចង់ប្រកួតប្រជែងអលង្ការមាសជាមួយបុរសម្នាក់ទៀតធ្លាប់ធ្វើឲ្យរំជើបរំជួលបណ្តាណសង្គមកាលពីឆ្នាំ ២០១៥ មានឈ្មោះថា N.X.T ។ បុរសនោះពាក់មាសត្រឹម ២ Kg ប៉ុណ្ណោះ តែបើគិតដល់តម្លៃត្បូងពេជ្រទៀត សរុបវាមានតម្លៃប្រហែលជា ២០ម៉ឺនដុល្លារ ប៉ុន្តែគាត់ប្រាប់ថា គាត់មាន ៣កំប្លេរហើយ ហើយកំពុងឲ្យគេធ្វើកំប្លេរទី ៤ ។
មិនយល់ដែរ តើគេធ្វើនេះដើម្បីអ្វី? ប្រិយមិត្តជួយប្រាប់ផង!
ចន្ទ្រា